ରାତିରେ ଶୋଇବା ପୂର୍ବରୁ କ୍ଷୀରରେ ଗୁଡ ପକାଇ ସେବନ କରନ୍ତୁ ମିଳିବ ଏହିସବୁ ଲାଭ l
ସତ୍ୟଶିଖା ୧୯ .୦୮.୨୦୨୦ : ରାତିରେ ଶୋଇବା ପୂର୍ବରୁ ସ୍ୱାସ୍ଥ୍ୟକର ପାନୀୟ ସେବନ କରିବାକୁ ଡାକ୍ତର ପରାମର୍ଶ ଦେଇଥାନ୍ତି | ଡାଲଚିନି କ୍ଷୀର, ହଳଦୀ କ୍ଷୀର ଆଦି ସ୍ୱାସ୍ଥ୍ୟ ପାଇଁ ହିତକର | ଠିକ ସେହିଭଳି ଗୁଡ ପକା କ୍ଷୀର ମଧ୍ୟ ସ୍ୱାସ୍ଥ୍ୟ ପାଇଁ ହିତକର | ଗୁଡ ପେଟ ପାଇଁ ହିତକର ବୋଲି କୁହାଯାଏ | ସକାଳୁ ଖାଲି ପେଟରେ ଉଷୁମ ପାଣିରେ ଟିକିଏ ଗୁଡ ପକେଇ ପିଇଲେ ଅନେକ ଲାଭ ମିଳିଥାଏ | ଚିନି ଖାଇଲେ ସୁଗାର ଲେଭଲ ବଢି ଯାଇଥାଏ କିନ୍ତୁ ଗୁଡ ଶରୀରକୁ ଡିଟକ୍ସିଫାଇ କରିବାରେ ସାହାଯ୍ୟ କରିଥାଏ | ଗୁଡରେ ପୋଷାକ ତତ୍ୱ ରହିଛି | ଗୁଡରେ କ୍ୟାଲସିୟମ, ଆୟରନ, ଫସଫରସ, ପୋଟାସିୟମ, ଜିଙ୍କ, ପ୍ରୋଟିନ, ଭିଟାମିନ-ବି ଆଦି ପ୍ରଚୁର ମାତ୍ରାରେ ରହିଛି | ପ୍ରତିଦିନ ଶୋଇବା ପୂର୍ବରୁ କ୍ଷୀରରେ ଗୁଡ ପକାଇ ପିଇଲେ ଅନେକ ସ୍ୱାସ୍ଥ୍ୟଗତ ସମସ୍ୟା ଦୂର ହୋଇଥାଏ | ଗୁଡ ଶରୀରରେ ରକ୍ତ ସଞ୍ଚାଳନ କରିବାରେ ସହାୟକ ହୋଇଥାଏ |
୧. ପେଟ ପାଇଁ ରାମବାଣ – ରାତିରେ ଶୋଇବା ପୂର୍ବରୁ ଉଷୁମ କ୍ଷୀରରେ ଗୁଡ ପକାଇ ସେବନ କଲେ ପାଚନ କ୍ରିୟା ସୁସ୍ଥ ହୋଇଥାଏ ଏବଂ ଏହାସହ ପେଟ ସହ ଜନିତ ସମସ୍ୟା ମଧ୍ୟ ଦୂର ହୋଇଥାଏ |
୨. ଗଣ୍ଠି ଯନ୍ତ୍ରଣାରେ ଲାଭଦାୟକ – କ୍ଷୀରରେ ଗୁଡ ପକାଇ ସେବନ କଲେ ଗଣ୍ଠି ଯନ୍ତ୍ରଣାରୁ ଆଶ୍ବସ୍ତି ମିଳିଥାଏ | ବିଶେଷ କରି ଶୀତ ଦିନେ ଗଣ୍ଠିରେ ଯନ୍ତ୍ରଣା ହୋଇଥାଏ | ସେଥିପାଇଁ ଗୁଡ ମିଶା କ୍ଷୀର ସେବନ ଲାଭଦାୟୀ ପ୍ରମାଣିତ ହୋଇଥାଏ |
୩. ମୋଟାପଣରୁ ମୁକ୍ତି – କ୍ଷୀରରେ ଚିନି ବଦଳରେ ଗୁଡ ପକାଇ ସେବନ କଲେ ମୋଟାପଣ ଦୂର ହୋଇଥାଏ | ଗୁଡ ଅନେକ ତତ୍ୱ ରହିଛି ଯାହା ଫ୍ୟାଟ ବର୍ଣ କରିବାରେ ସାହାଯ୍ୟ କରିଥାଏ | ଏହା ମେଟାବଲିଜିମ ବଢାଇବାରେ ସାହାଯ୍ୟ କରିଥାଏ |
୪. ଶରୀରକୁ ଡିଟକ୍ସ କରିବାରେ ପ୍ରଭାବଶାଳୀ – ଗୁଡ ଶରୀରରେ ଥିବା ଅଶୁଦ୍ଧତାକୁ ସଫା କରିଥାଏ | କ୍ଷୀର ଓ ଗୁଡ ସେବନ କଲେ ଅନେକ ପୋଷାକ ତତ୍ୱ ମଧ୍ୟ ମିଳିଥାଏ | ପ୍ରତିଦିନ ଉଷୁମ କ୍ଷୀର ଓ ଗୁଡ ସେବନ କଲେ ଶରୀର ଡିଟକ୍ସ ହୋଇଥାଏ |
୫. ମାସିକ ଋତୁସ୍ରାବ ଯନ୍ତ୍ରଣାରୁ ଆରାମ – ଉଷୁମ କ୍ଷୀର ଓ ଗୁଡ ସେବନ କରିବା ଦ୍ୱାରା ଋତୁସ୍ରାବ ସମୟରେ ହେଉଥିବା ଯନ୍ତ୍ରଣାରୁ ମୁକ୍ତି ମିଳିଥାଏ |
