ସତ୍ୟଶିଖା(ଭୁବନେଶ୍ୱର )୧୯.୧୧.୨୦୨୨: ନଡ଼ିଆ ଖାଇଲେ ସ୍ୱାସ୍ଥ୍ୟ ଭଲ ରହିବା ସହି ସ୍କିନ ମଧ୍ୟ ଗ୍ଲୋ କରିଥାଏ । ନଡ଼ିଆ ପାଣି ମଧ୍ୟ ଆମ ଶରୀର ପାଇଁ ବେଶ ଉପକାରୀ । ପଇଡ ପାଣି ପିଇବା ସ୍ୱାସ୍ଥ୍ୟ ପାଇଁ ବହୁତ ଉପକାରୀ ହୋଇଥାଏ । ପଇଡ ପାଣି ଛଡା ତା’ ଭିତରେ ଥିବା ନାଳି ବା ମଲାଇ ବହୁତ ଲାଭକାରୀ ହୋଇଥାଏ । ଅଧିକାଂଶ ଲୋକେ ଏହାକୁ ପିଇବା ପରେ ଫିଙ୍ଗି ଦେଇଥାନ୍ତି । ଏହା ଭିତରେ ଥିବା ନାଳି ଖାଇ ନଥାନ୍ତି । ନଡିଆ ନାଳିରେ ଥିବା ଆଇରନ୍, ଫସଫରସ, ମାଙ୍ଗାନିଜ, ଜିଙ୍କ, ଏଣ୍ଟିଅକ୍ସିଡାଣ୍ଟ ଓ ଏଣ୍ଟିଇନଫ୍ଲାମେଟରୀ ତତ୍ତ୍ୱ ଶରୀର ପାଇଁ ବହୁତ ଲାଭଦାୟକ ହୋଇଥାଏ । ଆସନ୍ତୁ ଜାଣିବା ନଡିଆ ନାଳିରେ ଥିବା ଲାଭକାରୀ ତତ୍ତ୍ୱ ବିଷୟରେ ।
ଇମ୍ୟୁନିଟି ବଢ଼ାଇଥାଏ
ଇମ୍ୟୁନିଟି ବଢ଼ାଇବା ପାଇଁ ନଡ଼ିଆର ନାଳି ବା ମଲାଇ ବହୁତ ଲାଭଦାୟକ ହୋଇଥାଏ । ନଡ଼ିଆ ମଲାଇରେ ଥିବା ଏଣ୍ଟିଅକ୍ସିଡାଣ୍ଟ ଓ ଏଣ୍ଟିଇନଫ୍ଲାମେଟରୀ ଗୁଣ ଇମ୍ୟୁନିଟି ବଢ଼ାଇବାରେ ସାହାଯ୍ୟ କରିଥାଏ । ଇମ୍ୟୁନିଟି ବଢ଼ାଇବା ପାଇଁ ନାଳି ନଡ଼ିଆ ଜରୁର ଖାଆନ୍ତୁ ।
ପାଚନ ତନ୍ତ୍ର ସୁସ୍ଥ ରଖିଥାଏ
ପାଚନ ତନ୍ତ୍ର ସୁସ୍ଥ ରଖିବା ପାଇଁ ନଡିଆର ନାଳି ବହୁତ ଲାଭାକାରୀ ହୋଇଥାଏ । ଏଥିରେ ଭରପୁର ମାତ୍ରାରେ ଫାଇବର ରହିଥାଏ । ଯାହା ପାଚନ ତନ୍ତ୍ରକୁ ସୁସ୍ଥ ରଖିଥାଏ । ଏହା ପାଚନ ସମ୍ବନ୍ଧୀୟ ସମସ୍ୟା ମଧ୍ୟ ଦୂର କରିଥାଏ ।
ହାର୍ଟ ସୁସ୍ଥ ରଖିଥାଏ
ହାର୍ଟ ସୁସ୍ଥ ରଖିବା ପାଇଁ ନଡିଆ ନାଳି ବହୁତ ଲାଭଦାୟକ ହୋଇଥାଏ । କାରଣ ନାଳି ନଡ଼ିଆରେ ସାଚୁରେଟେଡ ଫ୍ୟାଟ ରହିଥାଏ,ଯାହା ହାର୍ଟ ପାଇଁ ବହୁତ ଲାଭଦାୟକ ହୋଇଥାଏ । କାରଣ ଏହି ଫ୍ୟାଟ ଗୁଡ୍ କୋଲେଷ୍ଟରାଲକୁ ବଢ଼ାଇଥାଏ ଓ ବ୍ୟାଡ୍ କୋଲେଷ୍ଟରାଲକୁ କମାଇଥାଏ ।
