ନା ଅଛି ରାସ୍ତା, ନା ମିଳୁଛି ମୌଳିକ ସୁବିଧା

ଏହି ଗାଁର ସ୍ଥିତି ପରଖିବାକୁ ଆମେ ଗ୍ରାଉଣ୍ଡ ଜିରୋରେ ପହଞ୍ଚିଥିଲୁ। ଯେଉଁଠି ସୂର୍ଯ୍ୟ ଅସ୍ତ ହେଲେ ବୁଡିଯାଏ ଲୋକଙ୍କ ଭାଗ୍ୟ। ଗତ ଅକ୍ଟୋବର ୨୨ ତାରିଖରେ ଏହି ଅଞ୍ଚଳରୁ ଆସିଥିଲା ଅଭାବନୀୟ ଚିତ୍ର। ଦୁଇ ଜଣ ଗର୍ଭବତୀଙ୍କୁ ଅନ୍ଧାର ରାତିରେ ଖଟିଆରେ ପାଖାପାଖି ତିନି କିଲୋମିଟର ବୋହିଥିଲେ ସ୍ଥାନୀୟ ଲୋକେ। କେବଳ ରାସ୍ତା ନୁହେଁ, ପାନୀୟଜଳ ସମସ୍ୟା ତ କହିଲେ ନ ସରେ। ଗାଁ ଠାରୁ କାହିଁ ଦୂରରେ ତିଆରି ହୋଇଛି ନଳକୂପ। ଯେଉଁଠିକୁ ସୂର୍ଯ୍ୟ ବୁଡିଲେ ଯିବାକୁ ଭୟ କରନ୍ତି ଲୋକେ।

କେବଳ ସେତିକି ନୁହେଁ କହିବାକୁ ଗଲେ ଏ ଗାଁ ର କୋମଳମତି ଶିଶୁଙ୍କ ଭବିଷ୍ୟତ ମଧ୍ୟ ସେଇ ଅନ୍ଧାର ମଧ୍ୟରେ ବୁଡ଼ିଯାଇଛି। ସ୍କୁଲ କଣ ଏମାନଙ୍କୁ ଜଣାନାହିଁ ଶିକ୍ଷା ତ ଦୂରର କଥା। ଆଉ ସ୍ଥାନୀୟ ଲୋକେ ଭତ୍ତା ଓ ରାସନ ସାମଗ୍ରୀ ପାଇଁ ୮ କିମିର ଲମ୍ଵା ଯାତ୍ରା କରନ୍ତି ଲୋକେ। ଭୋଟ ସମୟରେ ନେତାଙ୍କ ପ୍ରତିଶୃତି କଟା ଘାରେ ଚୂନ ବୋଳିଲା ଭଳି ଲାଗେ। କିନ୍ତୁ ଅନିଶ୍ଚିତତା ଭିତରେ କାଳତିପାତ କରୁଛନ୍ତି ଲୋକେ। ଏମାନଙ୍କ ଦୁଃଖ ଆଉ ଗାଁର ସ୍ଥିତି ଦେଖିଲେ ରାଜ୍ୟ ସରକାରଙ୍କ ବିକାଶ ନାରା ଉପରେ ପ୍ରଶ୍ନ ଉଠିବା ସ୍ଵଭାବିକ୍। ଝାଟିମାଟିର ଘର ଆଉ ଖାଲ ଖମା ରାସ୍ତା ସାଙ୍ଗକୁ ସଞ୍ଜ ପରର କିଟିକିଟି ଅନ୍ଧାର ଭିତରେ ବୁଡି ଯାଇଛି ଏମାନଙ୍କ ଭବିଷ୍ୟତ। ଦେଖିବାକୁ ବାକି ରହିଲା କେବେ ଉଁଇବ କୁନିନାଲରେ ବିକାଶର ସୂର୍ଯ୍ୟ।