ସତ୍ୟଶିଖା (ନୂଆଦିଲ୍ଲୀ) ୩୦.୦୩.୨୦୨୨: ଦେଶରେ କିଛି ଦିନ ହେଲା ଦୈନିକ ପଜିଟିଭ ମାମଲା ୨ ହଜାର ତଳେ ରହିଛି । ଗତ ୨୪ ଘଣ୍ଟା ମଧ୍ୟରେ ଦେଶରୁ ମାତ୍ର ୧,୨୩୩ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ସଂକ୍ରମଣ କମିବା ସହ ମୃତ୍ୟୁସଂଖ୍ୟା ମଧ୍ୟ ଏବେ କମିଛି । ଦିନକରେ ଦେଶରେ ୩୧ ଜଣ କୋରୋନା ଆକ୍ରାନ୍ତଙ୍କ ମୃତ୍ୟୁ ରେକର୍ଡ ହୋଇଛି ଏବଂ ୧,୮୭୬ ଜଣ ସୁସ୍ଥ ହୋଇଛନ୍ତି ।
ମନ୍ତ୍ରଣାଳୟ ଅନୁଯାୟୀ, ଦେଶରେ ସକ୍ରିୟ ମାମଲା ଏବେ ୧୫ ହଜାର ତଳକୁ ଖସି ଆସିଛି । ଆଜିର ନୂତନ ସଂକ୍ରମଣକୁ ମିଶାଇ ବର୍ତ୍ତମାନ ୧୪,୭୦୪ ଜଣ ସଂକ୍ରମିତ ରହିଛନ୍ତି । ଦୈନିକ ପଜିଟିଭ ରେଟ୍ ୦.୨୦% ରହିଛି । ଏଯାବତ୍ ଭାରତରେ ମୋଟ ୪,୨୪,୮୭,୪୧୦ ସଂକ୍ରମିତ ସୁସ୍ଥ ହୋଇଛନ୍ତି ଏବଂ ୫,୨୧,୧୦୧ ଜଣଙ୍କ କୋରୋନାରେ ମୃତ୍ୟୁ ଘଟିଛି । ସେହିପରି ଦେଶବ୍ୟାପୀ ସମୁଦାୟ ୧,୮୩,୮୨,୪୧,୭୪୩ କୋଟି ଡୋଜ୍ ଟୀକାକରଣ କରାଯାଇଛି ।
