ସତ୍ୟଶିଖା(ଅନୁଗୁଳ )୪.୦୯ .୨୦୨୧: ସାମାନ୍ୟ ବଚସାରୁ ବିଚ ରାସ୍ତାରେ ଯୁବକଙ୍କୁ ପିଟି ପିଟି ହତ୍ୟା ଅଭିଯୋଗ । ଏଭଳି ଲୋମଟାଙ୍କୁରା ଘଟଣା ଘଟିଛି ଅନୁଗୁଳ ଜିଲ୍ଲାରେ । ମୃତକ ହେଉଛନ୍ତି ସୁଭାଶିଷ ମହାପାତ୍ର ।
ଜିଲ୍ଲାର ବନ୍ତଳା ଥାନା ଅନ୍ତର୍ଗତ ପୁରୁଣାଗଡ଼ ଗାଁର କରମଙ୍ଗା ସାହିରେ ଶୁଭାଶିଷ ଓ ମନୋରଞ୍ଜନ ଦୋରା ନାମକ ଜଣେ ଯୁବକଙ୍କ ସହ କୌଣସି କାରଣକୁ ନେଇ ପ୍ରଥମେ ବଚସା ହୋଇଥିଲା । ଏହାପରେ ମନୋରଞ୍ଜନ ସୁଭାସିସଙ୍କ ମୁଣ୍ଡକୁ ଏକ ଲୁହା ରଡ଼ରେ ଆକ୍ରମଣ କରିଥିଲେ । ସୁଭାଶିଷଙ୍କର ପ୍ରବଳ ରକ୍ତସ୍ରାବ ଯୋଗୁଁ ସେ ଅଚେତ ହୋଇ ତଳେ ପଡି ଯାଇଥିଲେ । ଏହାପରେ ବନ୍ତଳା ପୋଲିସ ଘଟଣାସ୍ଥଳରେ ପହଞ୍ଚି ସୁଭାଶିଷଙ୍କୁ ମୁର୍ମୁଷ ଅବସ୍ଥାରେ ଉଦ୍ଧାର କରିଥିଲା ।
ସୁଭାଶିଷଙ୍କୁ ତୁରନ୍ତ ଅନୁଗୁଳ ମେଡିକାଲ ନିଆଯାଇଥିଲା । ମାତ୍ର ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ଘଟଣା ପରେ ମୁଖ୍ୟ ଅଭିଯୁକ୍ତ ଫେରାର ଥିବା ବେଳେ ତାଙ୍କ ବାପା ଓ ଭାଇଙ୍କୁ ବନ୍ତଳା ପୋଲିସ ଅଟକ ରଖିଛି ।
