ଯୁବକଙ୍କୁ ରୋଜଗାର ଦେବା ପାଇଁ ଯୋଗୀ ସରକାରଙ୍କ ବଡ ଯୋଜନା l

ସତ୍ୟଶିକ୍ଷା (ଲଖନଉ) ୨୪.୦୯.୨୦୨୦ : ଇଞ୍ଜିନିୟରିଙ୍ଗ ଓ ବୈଷୟିକ ଶିକ୍ଷାକୁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏକ ବଡ ଉପହାର ଦେଇଛନ୍ତି । ଉତ୍ତର ପ୍ରଦେଶରେ ଇଞ୍ଜିନିୟରିଙ୍ଗ ଓ ବ୍ୟବସାୟିକ ଶିକ୍ଷାର ୨୦ ଲକ୍ଷ ଛାତ୍ରଙ୍କ ତଥ୍ୟ ସରକାର ପ୍ରସ୍ତୁତ କରିବେ । ଗୁରୁବାର ଦିନ ମୁଖ୍ୟମନ୍ତ୍ରୀ ଯୋଗୀ ୟୁ ରାଇଜର ଗୁରୁତ୍ୱପୂର୍ଣ୍ଣ ବୈଠକ ଡାକିଛନ୍ତି । ୟୁ ରାଇଜ ସଫ୍ଟୱେୟାରରେ ପ୍ରତ୍ୟେକ ଛାତ୍ରଙ୍କ ପ୍ରବେଶ ନେଇ ରୋଜଗାର ଯାଏଁ ପ୍ରତ୍ୟେକ ଛାତ୍ରଙ୍କ ସମ୍ପୂର୍ଣ୍ଣ ବିବରଣୀ ହେବ । ମୁଖ୍ୟମନ୍ତ୍ରୀ କହିଛନ୍ତି, ନୂଆ ଶିକ୍ଷା ନୀତି ୨୦୨୦ ଲାଗୁ କରିବାରେ ଉତ୍ତର ପ୍ରଦେଶ ପ୍ରଥମ ରାଜ୍ୟ ହୋଇଛି । ଏହାଛଡା ସରକାରଙ୍କ ଟେକନିକାଲ ଓ ବ୍ୟବସାୟିକ ଶିକ୍ଷଣୀୟ ସଂସ୍ଥାର କାୟାକଳ୍ପ ପାଇଁ ଯୋଗୀ ସରକାର ଆଜି ୨୦୦ କୋଟି ଟଙ୍କା ଦେବେ । ସୂଚନା ଅନୁଯାୟୀ, ପଣ୍ଡିତ ଦିନଦୟାଲ ଉପାଧ୍ୟକ୍ଷ ପ୍ରୋତ୍ସାହନ ଯୋଜନା ଅନୁଯାୟୀ ସରକାରୀ ସଂସ୍ଥାଗୁଡିକୁ ଯୋଗୀ ସରକାର ପୂର୍ବରୁ ହିଁ ୨୦୦ କୋଟି ଟଙ୍କା ଦେଇସାରିଛନ୍ତି ।ୟୁ ରାଇଜ ସଫ୍ଟୱେୟାରରେ ଛାତ୍ରଙ୍କ ବିବରଣୀ ସହ ଛାତ୍ରଙ୍କ ଇ-କଣ୍ଟେଣ୍ଟ ଓ ଇ-ଲାଇବ୍ରେରୀ ହେବ । ଯେକୌଣସି ଛାତ୍ର, ଶିକ୍ଷକ କିମ୍ବା ସଂସ୍ଥା ଅଧୟନ ପାଇଁ ଯେକୌଣସି ସ୍ଥାନରୁ ଇ-କଣ୍ଟେଣ୍ଟ ଓ ଇ-ଲାଇବ୍ରେରୀର ଉପଯୋଗ କରିପାରିବେ । ମେଧାବୀ ଓ ଆର୍ଥିକ ଭାବେ ସ୍ୱଚ୍ଛଳ ନଥିବା ଛାତ୍ରଙ୍କୁ ଏଥିରୁ ସହାୟତା ମିଳିବ । ୨୦ ଲକ୍ଷ ଛାତ୍ରଙ୍କ ଏହି ତଥ୍ୟ ରୋଜଗାର ପାଇଁ ଅତ୍ୟନ୍ତ ମହତ୍ଵପୁର୍ଣ ହେବ । ଏହା ଜରିଆରେ କମ୍ପାନୀଗୁଡିକୁ କର୍ମଚାରୀ ଖୋଜିବାରେ ମଧ୍ୟ ସାହାଯ୍ୟ ମିଳିବ । ୟୁ ରାଇଜ ୟୂନିଫଏଡ ସଫ୍ଟୱେୟାରରେ ପୁରା ଛାତ୍ର ଚକ୍ର ରେକର୍ଡ କରାଯିବ ।ଏହି ଯୋଜନାର ପ୍ରଥମ ପର୍ଯ୍ୟାୟରେ ୨୦ ଲକ୍ଷ ଛାତ୍ର ସଂଯୋଜିତ ହେବେ । ସୂଚନାଯୋଗ୍ୟ ଯେ, ଦିନଦୟାଲ ଉପାଧ୍ୟାୟା ପ୍ରୋତ୍ସାହନ କାର୍ଯ୍ୟକ୍ରମ ୨୦୧୭ ମସିହାରେ ଆରମ୍ଭ ହୋଇଥିଲା। ଏକେଟିୟୁର ସମସ୍ତ ଇଞ୍ଜିନିୟରିଙ୍ଗ କଲେଜ ଏହି ସହ ସମ୍ବନ୍ଧିତ ।