ସତ୍ୟଶିଖା (ଭୁବନେଶ୍ୱର) ୦୮.୦୩.୨୦୨୨: ପୌର ନିର୍ବାଚନ ପାଇଁ ପରୀକ୍ଷା ବନ୍ଦ ସକାଶେ ନିଷ୍ପତି ନିଆଯାଇଛି । ଯୁକ୍ତ ୩ ଓ ବିଶ୍ୱବିଦ୍ୟାଳୟର ପରୀକ୍ଷାକୁ ବନ୍ଦ କରିବା ନିମନ୍ତେ ଉଚ୍ଚଶିକ୍ଷା ବିଭାଗ ପକ୍ଷରୁ କଲେଜ ଅଧ୍ୟକ୍ଷମାନଙ୍କୁ ପତ୍ର ମାଧ୍ୟମରେ ଅବଗତ କରାଯାଇଛି । ୨୨ରୁ ୨୪ ପର୍ଯ୍ୟନ୍ତ ଯେଉଁସବୁ ପରୀକ୍ଷା ଥିବ ତାହା କରାଯିବ ନାହିଁ । ବିଭାଗ ପକ୍ଷରୁ ଏହା ସ୍ପଷ୍ଟ କରାଯାଇଛି ।
ସୂଚନାଯୋଗ୍ୟଯେ, ଆସନ୍ତା ୨୪ରେ ପୌର ନିର୍ବାଚନ । ଗୋଟିଏ ଦିନରେ ସାରା ରାଜ୍ୟରେ ପୌର ନିର୍ବାଚନ ଅନୁଷ୍ଠିତ ହେବ । ମାର୍ଚ୍ଚ ୨୬ରେ ନିର୍ବାଚନ ଫଳାଫଳ ପ୍ରକାଶ ପାଇବ । ସାଧାରଣତଃ ଅଧିକାଂଶ ମହାବିଦ୍ୟାଳୟ ସହରାଂଚଳରେ ରହିଛି । ନିର୍ବାଚନ ପାଇଁ ପାଠପଢ଼ାରେ ବ୍ୟାଘାତ ହେବାର ଥିବାବେଳେ ସ୍କୁଲ କଲେଜରେ ଭୋଟ ପାଇଁ ପ୍ରସ୍ତୁତି କରାଯିବ । ଏସବୁକୁ ଆଖି ଆଗରେ ରଖି ପରୀକ୍ଷା ବନ୍ଦ ପାଇଁ ନିଷ୍ପତି ନିଆଯାଇଛି ।
ଅପରପକ୍ଷରେ ରାଜ୍ୟରେ କରୋନା କମିଥିବାରୁ ପୌର ନିର୍ବାଚନରେ କୋଭିଡ଼ କଟକଣା ଲାଗିବ ନାହିଁ । ରାଜ୍ୟ ନିର୍ବାଚନ କମିଶନ ଏନେଇ ସ୍ପଷ୍ଟ କରିସାରିଛନ୍ତି । ସମ୍ପ୍ରତି ପୌର ନିର୍ବାଚନ ପାଇଁ ସହରାଞ୍ଚଳର ରାଜନୀତିକ ପାଣିପାଗ ସରଗରମ ରହିଛି ।
