ସତ୍ୟଶିଖା,ଭୁବନେଶ୍ଵର ( ୦୮.୦୩.୨୦୨୧): ବଲିଉଡରେ ପାଦ ଥାପିଛନ୍ତି ଓଡିଆ ଅଭିନେତ୍ରୀ ଅପସରା ରାନୀ । ମାର୍ଚ୍ଚ ୨୬ରେ ରିଲିଜ ହେବାକୁ ଯାଉଛି ରାମଗୋପାଳ ବର୍ମାଙ୍କ ବଲିଉଡ ମୁଭି ଡି-କମ୍ପାନୀ । ଅଭିନେତ୍ରୀ ଅପସରାଙ୍କୁ ବଲିଉଡରେ ଡେବ୍ୟୁ କରାଇଛନ୍ତି ନିର୍ଦ୍ଦେଶକ ରାମୁ । କୋଭିଡ କଟକଣା କୋହଳ ପରେ ତେଲୁଗୁ ସୁପର ଷ୍ଟାର ରବି ତେଜାଙ୍କ ଅଭିନୀତ କ୍ରାକ୍ ଚଳଚିତ୍ରରେ ଅପସରାଙ୍କୁ ଏକ ଆଇଟମ ଡ୍ୟାନ୍ସରେ ଦେଖିବାକୁ ମିଳିଥିଲା । ଯାହାକୁ ୨କୋଟି ଦର୍ଶକ ସୋସିଆଲ ମିଡିଆରେ ଦେଖି ସାରିଲେଣି । ମୁଭି କ୍ରାକ ପ୍ରାୟ ୪୨କୋଟି ଟଙ୍କାର ବ୍ୟବସାୟ ମଧ୍ୟ କରିଛି, ଯେଉଁଥିରେ ଅପସରାଙ୍କ ଅଭିନୟ ଦେଖିବାକୁ ମିଳିଛି । ରାମ ଗୋପାଳ ବର୍ମାଙ୍କ ଭଳି ନିର୍ଦ୍ଦେଶକଙ୍କ ବ୍ୟାନରରେ ଫିଲ୍ମ ପାଇବା ଅପସରାଙ୍କ ଲାଗି ଆଗକୁ ସୁଯୋଗ ସୃଷ୍ଟି କରିବ।
