ସତ୍ୟଶିଖା (ନୂଆଦିଲ୍ଲୀ) ୨୧/୧୧/୨୦୨୦ : ସାରା ବିଶ୍ୱରେ ଏବେ ପ୍ରତିଯୋଗିତା ଚାଲିଛି । କେଉଁ ଦେଶ କେତେ ଶକ୍ତିଶାଳୀ ସେନେଇ ଚାଲିଛି ରେସ୍ । ଯାହାର ପ୍ରତିରକ୍ଷା, ବାଣିଜ୍ୟ ଓ କୂଟନୈତିକ ବିଭାଗ ଯେତେ ସମୃଦ୍ଧ ସେହି ଦେଶ ଏବେ ଅନ୍ୟ ଉପରେ ଭାରି ପଡିବାରେ ଲାଗିଛି । ତେବେ ଦୀର୍ଘ ଦିନ ଧରି ଆମେରିକା ଓ ଚୀନ୍ ମଧ୍ୟରେ ଚାଲିଛି ଶୀତଳ ଯୁଦ୍ଧ । ଉଭୟ ଦେଶ ପରସ୍ପରକୁ ଚେକ୍ ଦେବା ପାଇଁ ସୁଯୋଗ ଖୋଜୁଛନ୍ତି । ଏହା ପଛରେ ଚୀନ ରାଷ୍ଟ୍ରପତି ସି ଜିନପିଙ୍ଗଙ୍କ ବିସ୍ତାରବାଦୀ ନୀତି ଦାୟୀ । କିନ୍ତୁ ସେ ଏହାକୁ ମାନିବାକୁ ନାରାଜ ।
ଗତ ୪ ବର୍ଷରେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସମୟରେ ଚୀନର ବିସ୍ତାରବାଦୀ ନୀତିକୁ କିଛିଟା ଝଟକା ଲାଗିଛି । ଏବେ କିନ୍ତୁ ଟ୍ରମ୍ପ ହ୍ୱାଇଟ ହାଉସରେ ଅଳ୍ପ ଦିନର ଅତିଥି । ଜୋ ବାଇଡେନ୍ ରାଷ୍ଟ୍ରପତି ହେବା ପରେ ବି ଚୀନ ସହ ସମ୍ପର୍କରେ ସୁଧାର ଆସିବାର ସମ୍ଭାବନା କମ୍ । ଏହି ପ୍ରସଙ୍ଗରେ ସିଙ୍ଗାପୁରର ପୂର୍ବତନ କୂଟନୀତିଜ୍ଞ କିଶୋର ମହାଭୂମି କହିଛନ୍ତି ଯେ, କରୋନା ବିଶ୍ୱ ମହାମାରୀ ଚୀନକୁ ଫାଇଦା ଦେଇଛି । କାରଣ ଚୀନ କରୋନା ଉପରେ ଶୀଘ୍ର ବିଜୟ ହାସଲ କରିଥିଲା । ଏହାକୁ ନେଉ ଅନ୍ୟ ଦେଶ ସହ ଚୀନର ସମ୍ପର୍କରେ ଫାଟ ସୃଷ୍ଟି ହୋଇଛି । କାନାଡା, ଜର୍ମାନୀ, ଦକ୍ଷିଣ କୋରିଆ, ସ୍ପେନ୍, ସ୍ୱିଡେନ୍ ଓ ୟୁକେ ସହ ସମ୍ପର୍କ ଖରାପ କରିଛି ଚୀନ୍ ।
କରୋନା ପାଇଁ ଚୀନରେ ୬୧ ପ୍ରତିଶତ ଚାକିରିଆଙ୍କ ରୋଜଗାରରେ ବାଧା ଉପୁଜିଛି । ଏପରିକି ଭାରତ ସହ ଗଲଓ୍ୱାନ ସଙ୍ଘର୍ଷ ପରେ ଟିକଟକ୍, ପବଜୀ ଆଦି ଚାଇନା ଆପକୁ ବ୍ୟାନ୍ କରାଯାଇଛି । ଫଳରେ ଚୀନର ଅର୍ଥବ୍ୟବସ୍ଥା ଉପରେ ପ୍ରବାବ ପଡିଛି । ହଙ୍ଗକଙ୍ଗ ମଧ୍ୟ ଚୀନ ବିରୋଧରେ ଏକାଟି ହୋଇଛି । ଯାହାକୁ ଆମେରିକା ସମର୍ଥନ କରୁଛି । ତାଇଓ୍ୱାନରେ ମଧ୍ୟ ସମାନ ସ୍ଥିତି ଉପୁଜିଛି । ତାଇଓ୍ୱାନକୁ ଚୀନ ବିରୋଧରେ ଆମେରିକା ଓ ଭାରତର ସମର୍ଥନ କରୁଛନ୍ତି । ଅଷ୍ଟ୍ରେଲିଆ ସହ ଚୀନର ସମ୍ପର୍କ ବିଗିଡିଛି । ଏକ ସର୍ଭେରେ ଅଷ୍ଟ୍ରେଲିଆର ପ୍ରାୟ ୮୧ ପ୍ରତିଶତ ଜନତା ଚୀନକୁ ବିରୋଧ କରିଛନ୍ତି ।
ଯଦି ଜିନପିଙ୍ଗ୍ ନିଜ ନୀତିରେ ପରିବର୍ତ୍ତନ କରନ୍ତି ତଥାପି ଅନେକ ବିଳମ୍ବ ହୋଇଯାଇଛି । ବାଇଡେନ୍ ଚୀନକୁ ଅଳଗା କରି ଏସିଆ ଓ ୟୁରୋପ ସହ ପାରମ୍ପରିକ ବାଣିଜ୍ୟ କାରବାର ଜାରି ରଖିବେ ବୋଲି ଅନୁମାନ କରାଯାଉଛି । ଯାହା ଚୀନକୁ ଝଟକା ଦେବ ବୋଲି ଅନୁମାନ କରାଯାଉଛି । କେବେ ଚୀନ୍ ବିଶ୍ୱ ଦରବାରରେ ଗ୍ରହଣୀୟ ହେବ ତାହା ପରେ ଜଣାପଡିବ ।
-
-
-
-
-
-
-
-
-
-
