ସତ୍ୟଶିଖା ( ନୂଆଦିଲ୍ଲୀ )୧୬|୦୭: ସୋସିଆଲ ମିଡିଆରେ ଏବେ ଏକ ଭିଡିଓ ଭାଇରାଲ ହେବାରେ ଲାଗିଛି । ଏଥିରେ ଗୋଟିଏ କନ୍ୟା ଶିଶୁର ତିନୋଟି ଆଖି ଥିବା ଦେଖିବାକୁ ମିଳିଛି । ଜର୍ମାନୀରେ ଏହି ଶିଶୁ କନ୍ୟାଟି ଜନ୍ମ ହୋଇଥିବା କୁହାଯାଉଛି ।
କିଛି ୟୁଜର ଏହାକୁ ଫେକ୍ ବୋଲି କହୁଛନ୍ତି । ତେବେ ଆଉ କିଛି ଏହାକୁ ଚମତ୍କାର ବୋଲି ମଧ୍ୟ କହୁଛନ୍ତି । ତେବେ ଏହି ଭିଡିଓକୁ ଧ୍ୟାନ ସହକାରେ ଦେଖିଲେ ସମ୍ପୂର୍ଣ୍ଣ ମାମଲା ବୁଝି ହେବ । ଏହି ୧୧ ସେକେଣ୍ଡର ଭିଡିଓରେ ଶିଶୁଟିର ମାଆ ଓ ବାପା ତାକୁ ଡାକୁଛନ୍ତି । ଶିଶୁଟି ଇଆଡେ ସିଆଡେ ଅନାଉଛି ।
ତେବେ ଏହି ଭିଡିଓକୁ ଏଡିଟ୍ କରାଯାଇଥିବା କୁହାଯାଉଛି । କେହିକେହି ଏହାକୁ ମିଛ ବୋଲି ମଧ୍ୟ କହୁଛନ୍ତି । କାରଣ ତୃତୀୟ ଆଖିଟି ଶିଶୁଟିର ବାମ ଆଖି ଭଳି ଲାଗୁଛି । ଭିଡିଓରୁ ଶିଶୁଟି ୪-୫ ମାସର ହୋଇଥିବା ଲାଗୁଛି । ଏହାକୁ ଦେଖି ଅନେକ ଲୋକ ଚକିତ ହୋଇଯାଉଛନ୍ତି ।
