ଉପର ମୁହାଁ ଷ୍ଟକ୍ ମାର୍କେଟ, ନିର୍ବାଚନ ଗଣତି ମଧ୍ୟରେ ୧୬୦୦ ପଏଣ୍ଟ ବୃଦ୍ଧି

ସତ୍ୟଶିଖା( ନୂଆଦିଲ୍ଲୀ )୧୦.୦୩.୨୦୨୨ : ୫ଟି ରାଜ୍ୟର ବିଧାନସଭା ନିର୍ବାଚନର ଭୋଟ ଗଣତି ମଧ୍ୟରେ ଆଜି ଷ୍ଟକ ମାର୍କେଟରେ ବୃଦ୍ଧି ପରିଲକ୍ଷିତ ହୋଇଛି। ବିଏସଇରେ ସେନ୍ସେକ୍ସ ୫୬ ହଜାର୨୪୨ରେ ୧ ହଜାର ୫୯୫ ପଏଣ୍ଟ ବୃଦ୍ଧି ସହିତ ଖୋଲିଥିବା ବେଳେ ନିଫ୍ଟି ୪୧୨ ପଏଣ୍ଟ ସହ ୧୬ ହଜାର ୭୫୭ ପଏଣ୍ଟରେ ଖୋଲିଥିଲା। ଆଜି ସକାଳେ ସେନ୍ସେକ୍ସ ୫୫ ହଜାର ୭୬୧ରେ ୧ ହଜାର ୧୧୪ ପଏଣ୍ଟ ବୃଦ୍ଧି ପାଇ ଥିବା ବେଳେ ନିଫ୍ଟି ୩୧୩ ପଏଣ୍ଟ ସହ ୧୬ ହଜାର ୬୫୮ରେ କାରବାର ଆରମ୍ଭ କରିଛି। ବିଶେଷ ଭାବେ ଟାଟା ମୋଟର୍ସ, ଏସିଆନ ପେଣ୍ଟସ, ହଲ, ଆକ୍ସିସ ବ୍ୟାଙ୍କ ଓ ଏସବିଆଇ ନିଫ୍ଟିରେ ବୃଦ୍ଧି ପାଇଛି। ଅନ୍ୟ ପକ୍ଷରେ ବିଶ୍ବ ବଜାରରେ ଅଶୋଧିତ ମୂଲ୍ୟ ବ୍ୟାରେଲ ପିଛା ୧୩.୨% ହ୍ରାସ ପାଇଛି ଓ ଏହା ୧୬.୮୪ ଡଲାରରେ ପହଞ୍ଚିଛି। ଗତବର୍ଷ ଏପ୍ରିଲ ପରଠାରୁ ଅଶୋଧିତ ମୂଲ୍ୟରେ ଏହା ସବୁଠାରୁ ଅଧିକ ହ୍ରାସ ପାଇଛି। ଆମେରିକାରେ ଏହାର ମୂଲ୍ୟ ବ୍ୟାରେଲ ପିଛା ୧୫.୪୪ ଡଲାରରୁ ୧୦୮.୭୦ ଡଲାରକୁ ହ୍ରାସ ପାଇଛି।