ସତ୍ୟଶିଖା : କଂଗ୍ରେସ ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧିଙ୍କୁ ଅଗଷ୍ଟ ପହିଲା ସୁଦ୍ଧା ଦିଲ୍ଲୀ ସ୍ଥିତି ସରକାରୀ ବଙ୍ଗଳା ଖାଲି କରିବାକୁ କେନ୍ଦ୍ର ସରକାର ନିର୍ଦ୍ଦେଶ ଦେଇଛନ୍ତି। ୨୦୧୯ରେ ପ୍ରିୟଙ୍କାଙ୍କ ଏସପିଜି ସୁରକ୍ଷା ପ୍ରତ୍ୟାହାର କରାଯିବା ପରେ ଆବାସ ସହରାଂଚଳ ବ୍ୟାପର ମନ୍ତ୍ରଣାଳୟ ପକ୍ଷରୁ ପ୍ରିୟଙ୍କାଙ୍କ ସରକାରୀ ଆବଂଟିତ ବଙ୍ଗଳାକୁ ବାତିଲ କରାଯାଇଛି । ଗୋଟିଏ ମାସ ମଧ୍ୟରେ ପ୍ରୟିଙ୍କା ୩୫ ଲୋଧି ଇଷ୍ଟେଟ ବଙ୍ଗଳା ଖାଲି କରିବାକୁ କୁହାଯାଇଛି । ୧୯୯୭ ମସିହାରୁ ପ୍ରିୟଙ୍କା ଏହି ବଙ୍ଗଳାରେ ରହିଆସୁଛନ୍ତି । ଏସିପିଜି ସୁରକ୍ଷା ଅଧୀନରେ ତାଙ୍କୁ ଏହି ବଙ୍ଗଳା ମିଳିଥିଲା ।
ତେବେ ସରକାରଙ୍କ ନୂଆ ନିୟମ ଅନୁସାରେ କେବଳ ଏସପିଜି ସୁରକ୍ଷା ପାଉଥିବା ଲୋକଙ୍କୁ ହିଁ ସରକାରୀ ବଙ୍ଗଳା ମିଳିବ । ତେଣୁ ପ୍ରିୟଙ୍କାଙ୍କୁ ଏହି ବଙ୍ଗଳା ଖାଲି କରିବାକୁ ନୋଟିସ୍ ହୋଇଛି । ଏବେ ଦିଲ୍ଲୀରୁ ବଙ୍ଗଳା ଖାଲି କରିବା ପରେ ଲଖନୌରେ ରହିବେ ବୋଲି ସୂଚନା ମିଳିଛି ।
