ସତ୍ୟଶିଖା( ରାଉରକେଲା) ୨୦.୧୧.୨୦୨୧: ପୁଣି ଆତଙ୍କ ଖେଳାଇଲେ ମାଓବାଦୀ । ଆଉ ବିସ୍ଫୋରଣ କରି ଉଡାଇଦେଲେ ଟ୍ରେନ୍ ଲାଇନ୍ । ଝାଡଖଣ୍ଡ ଚକ୍ରଧରପୁର ସୋନୁଆଁ ନିଟକରେ ଟ୍ରେନ୍ ଲାଇନ ବିସ୍ଫୋରଣ ଲଗାଇ ଉଡାଇ ଦେଇଥିବା ସୂଚନା ମିଳିଛି । ଗତକାଲି ବିଳମ୍ବିତ ରାତିରେ ଏହି ଘଟଣା ଘଟିଛି । ଫଳରେ ହାୱାଡା ମୁମ୍ବାଇ ଟ୍ରେନ୍ ଯାତାୟତରେ ବାଧାପ୍ରାପ୍ତ ହୋଇଛି । ମାଓବାଦୀମାନେ ସିଙ୍ଗଲ ଲାଇନକୁ ଉଡାଇଥିବାରୁ ଟ୍ରେନ ଯାତାୟତ ବନ୍ଦ ହୋଇନାହିଁ ।
ମାତ୍ର ଗୋଟିଏ ଲାଇନ୍ରେ ଟ୍ରେନ ଯାତାୟତ ଚାଲିଥିବା ଜଣାପଡିଛି । ଘଟଣାସ୍ଥଳରେ ଆରପିଏଫ ସମେତ ବହୁ ବରିଷ୍ଠ ଅଧିକାରୀ ପହଞ୍ଚି ସ୍ଥିତି ଯାଞ୍ଚ କରିଛନ୍ତି । ଟ୍ରାକ୍ ଉଡାଉ ଦେଇଥିବାରୁ ବହୁ ଏକ୍ସପ୍ରେସ ଓ ଲୋକାଲ ଟ୍ରେନ ଅଟକିଛି । ତେବେ ମାଓବାଦୀମାନେ ସିଙ୍ଗଲ ଲାଇନକୁ ବିସ୍ଫୋରଣରେ ପଡାଉଥିବା ଜଣାପଡିଛି ।
ସେହିପରି ଘଟଣାସ୍ଥଳରେ ମାଓବାଦୀମାନେ ଏକ ପୋଷ୍ଟର ଲଗାଇଥିବା ଦେଖିବାକୁ ମିଳିଛି । ଏହାସହିତ କ୍ଷତିଗ୍ରସ୍ତ ଟ୍ରେନ୍ ଲାଇନକୁ ମରାମତି କାର୍ଯ୍ୟ ଜୋରସୋରରେ ଚାଲୁଅଛି । ମାତ୍ର ଖୁବଶୀଘ୍ର ସ୍ଥିତି ସ୍ୱାଭାବିକ ହେବ ବୋଲି ସୂଚନା ମିଳିଛି ।
