ସତ୍ୟଶିଖା(ବ୍ରହ୍ମପୁର) ୦୭.୦୪.୨୦୨୧: ରାଜ୍ୟରେ କରୋନା କାୟା ମେଲାଇ ଚାଲିଥିବା ବେଳେ ବିଭିନ୍ନ ଧାର୍ମିକ ଅନୁଷ୍ଠାନରେ ଶ୍ରଦ୍ଧାଳୁଙ୍କ ପ୍ରବେଶ ଉପରେ କଟକଣା ଲାଗୁ କରାଯାଇଛି। ଏହି ପରିପ୍ରେକ୍ଷୀରେ ଗଞ୍ଜାମ ଜିଲ୍ଲାର ପ୍ରସିଦ୍ଧ ମା’ ତାରାତାରିଣୀଙ୍କ ପୀଠକୁ ଆଗମନ ଏବଂ ଦର୍ଶନ ପାଇଁ ସଂଶୋଧିତ ନିୟମ ଜାରି କରିଛି ଜିଲ୍ଲା ପ୍ରଶାସନ । ଏହା ସହ ଚୈତ୍ର ମେଳା କଟକଣା ପାଇଁ ମଧ୍ୟ ନୂଆ ନିୟମ ଜାରି କରାଯାଇଛି ।
ନୂଆ ନିୟମ ଅନୁସାରେ, ଏଣିକି ବୁଧବାର ବ୍ୟତୀତ ସପ୍ତାହର ଅନ୍ୟଦିନମାନଙ୍କରେ ମନ୍ଦିର ଖୋଲାରହିବ । ମନ୍ଦିର ପାର୍ଶ୍ୱ ଓ ଏହାର ନିକଟରେ କୌଣସି ବ୍ୟକ୍ତି ଭୋଜି କରିବା ନିଷେଧ। କୋଭିଡ୍ କଟକଣା ପାଇଁ ମୁଣ୍ଡନ ବନ୍ଦ ରହିବ। ପ୍ରତ୍ୟେକ ବୁଧବାର ମନ୍ଦିର ପରିସରକୁ ସମ୍ପୂର୍ଣ୍ଣ ବିଶୋଧନ କରାଯିବ । ଏଥିସହ ସପ୍ତାହରେ ଦୁଇଦିନ ସର୍ବସାଧାରଣଙ୍କ ଦର୍ଶନ ସରିବା ପରେ ରାତ୍ରିକାଳୀନ ବିଶୋଧନ କରାଯିବ ।
