ସତ୍ୟଶିଖା(ଭୁବନେଶ୍ୱର )୧୦ .୦୯ .୨୦୨୧: ପବିତ୍ର ଗଣେଶ ଚତୁର୍ଥୀ ଅବସରରେ ସମସ୍ତଙ୍କୁ ଶୁଭେଚ୍ଛା ଜଣାଇଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସମସ୍ତଙ୍କର ସୁଖ, ସମୃଦ୍ଧି କାମନା କରିଛନ୍ତି କେନ୍ଦ୍ରମନ୍ତ୍ରୀ ।
ଆଜି ଭାଦ୍ରବ ଶୁକ୍ଳ ପକ୍ଷ ଚତୁର୍ଥୀ । ଜ୍ଞାନର ଦେବତା ଅଗ୍ରପୂଜ୍ୟ ଶ୍ରୀ ଗଣେଶଙ୍କ ପୂଜା । ହିନ୍ଦୁ ଧର୍ମରେ ଗଣେଶ ଚତୁର୍ଥୀ ଏକ ପବିତ୍ର ପର୍ବ । ଓଡ଼ିଶାର ପୁରପଲ୍ଲୀରେ ଏହି ପୂଜା ପରମ୍ପରା ଓ ବିଧିବିଧାନ ଅନୁସାରେ ପାଳିତ ହୋଇଥାଏ ।
ଶିକ୍ଷାନୁଷ୍ଠାନରେ ଗଣେଶ ପୂଜାର ବିଶଷ ମହତ୍ବ ରହିଛି । ରାଜ୍ୟର ବିଭିନ୍ନ ପ୍ରାନ୍ତରେ ଗଣେଶ ଚୁତୁର୍ଥୀ ବେଶ ଆଡ଼ମ୍ବର ସହ ପାଳିତ ହୋଇଥାଏ । ତେବେ ଚଳିତ ବର୍ଷ ମଧ୍ୟ କୋଭିଡ କଟକଣା ମଧ୍ୟରେ ଗଣେଶ ପୂଜା ପାଳନ ହେଉଛି ।
ରାଜ୍ୟ ସରକାର ପାର୍ବଣରେ ଜାରି କରିଥିବା ନିୟମ ଅନୁସାରେ ପୂଜା ଅନୁଷ୍ଠିତ ହେବ । ମୂର୍ତ୍ତିର ଆକାର ୪ ଫୁଟରୁ କମ ରହିବା ନେଇ ଗାଇଡଲାଇନ ରହିଛି । ପୂଜା ସମୟରେ ଭୋଜି ଓ ପ୍ରସାଦ ସେବନ କରିବାକୁ ଅନୁମତି ନାହିଁ ।
