ସତ୍ୟଶିଖା(ନୂଆଦିଲ୍ଲୀ) ୦୭.୦୧.୨୦୨୨ : ଓବିସି ସଂରକ୍ଷଣ ନେଇ ସୁପ୍ରିମକୋର୍ଟ ଆଜି ବଡ଼ ରାୟ ଦେଇଛନ୍ତି । ଏନଇଇଟି ପିଜି କାଉନସେଲିଂ ବେଳେ ଓବିସିଙ୍କ ପାଇଁ ପୂର୍ବଭଳି ସଂରକ୍ଷଣ ବ୍ୟବସ୍ଥା କାଏମ ରହିବ । ଓବିସି ବର୍ଗର ପିଲାମାନଙ୍କୁ ୨୭% ସଂରକ୍ଷଣ ଦିଆଯିବ ବୋଲି ସୁପ୍ରିମକୋର୍ଟ କହିଛନ୍ତି । ଅପରପକ୍ଷରେ ଅର୍ଥନୈତିକ ଅନଗ୍ରସର ବର୍ଗଙ୍କୁ ମଧ୍ୟ ୧୦% ସଂରକ୍ଷଣ ମିଳିବ । ମାର୍ଚ୍ଚ ୩ରେ ହେବାକୁ ଥିବା ଚୂଡ଼ାନ୍ତ ଶୁଣାଣୀ ବେଳେ ଅର୍ଥନୈତିକ ଅନଗ୍ରସର ବର୍ଗ ସମ୍ପର୍କରେ ଚୂଡ଼ାନ୍ତ ସଂରକ୍ଷଣ ସଂକ୍ରାନ୍ତରେ ଘୋଷଣା କରାଯିବ ।
ଜଷ୍ଟିସ ଡିଏୱାଇ ଚନ୍ଦ୍ରଚୁଡ଼ ଓ ଜଷ୍ଟିସ ଏଏସ ବୋପାନ୍ନାଙ୍କ ଖଣ୍ଡପୀଠରେ ଏସଂକ୍ରାନ୍ତୀୟ ମାମଲାର ଶୁଣାଣୀ ହୋଇଥିଲା । ଅନ୍ତରୀଣ ରାୟରେ ଖଣ୍ଡପୀଠ ଉପରୋକ୍ତ କଥା ସ୍ପଷ୍ଟ କରିଛନ୍ତି । ଫଳରେ ଖୁବଶୀଘ୍ର ଏନଇଇଟି ପିଜି କାଉନସେଲିଂ ଆରମ୍ଭ ହେବ । ଏହାକୁ ବିଭିନ୍ନ ମହଲରେ ସ୍ୱାଗତ କରାଯାଇଛି ।
