ପିଏମ୍ କେୟାର୍ସ ଫଣ୍ଡକୁ ଏନଡିଆରଏଫରେ ସ୍ଥାନାନ୍ତର କରିବା ପାଇଁ ଆବେଦନ ଯାଚିକା ଖାରଜ କଲେ ସୁପ୍ରିମକୋର୍ଟ l

ସତ୍ୟଶିଖା ୧୮ .୦୮.୨୦୨୦ : ଏନଡିଆରଏଫରେ ପିଏମ୍ କେୟାର୍ସ ଫଣ୍ଡକୁ ସ୍ଥାନାନ୍ତର କରିବା ପାଇଁ ଆବେଦନ ହୋଇଥିବା ଯାଚିକାକୁ ଖାରଜ କରିଛନ୍ତି ସୁପ୍ରିମକୋର୍ଟ । ସୁପ୍ରିମକୋର୍ଟ ତାଙ୍କ ନିଷ୍ପତ୍ତିରେ କହିଛନ୍ତି ଯେ, ପିଏମ୍ କେୟାର୍ସ ଫଣ୍ଡ ଏକ ଚ୍ୟାରିଟି ଫଣ୍ଡ। ତେଣୁ ଏଥିରେ ଥିବା ରାଶିକୁ ସ୍ଥାନାନ୍ତର କରିବା କୌଣସି ଆବଶ୍ୟକ ନାହିଁ । ଯଦି କୌଣସି ବ୍ୟକ୍ତି କିମ୍ବା ସଂସ୍ଥା ଏନଡିଆରଏଫକୁ ଦାନ କରିବାକୁ ଚାହୁଁଛନ୍ତି ତେବେ ସେମାନେ କରିପାରିବେ ବୋଲି ସର୍ବୋଚ୍ଚ ଅଦାଲତ ସ୍ପଷ୍ଟ ଭାବରେ କହିଛନ୍ତି । ସୁପ୍ରିମକୋର୍ଟ କହିଛନ୍ତି ଯେ, ନଭେମ୍ଵର 2019ରେ ତିଆରି ହୋଇଥିବା ଏନଡିଆରଏଫ କରୋନା ସଂଙ୍କଟ ସହ ମୁକାବିଲା କରିବା ପାଇଁ ପର୍ଯ୍ୟାପ୍ତ । କୌଣସି ନୂଆ ଆକ୍ସନ ପ୍ଲାନ ଏବଂ ନ୍ୟୁନତମ ମାନକକୁ ଅଲଗା ଅଲଗା କରିବା କୌଣସି ଆବଶ୍ୟକତା ନାହିଁ ।

ସେଣ୍ଟର ଫର ପବ୍ଲିକ ଇନଟ୍ରେଷ୍ଟ ଲିଟିଗେସନ ଦାବି କରିଥିଲା ଯେ, ଡିଏମ୍ ଆକ୍ଟ ଆଧାରରେ ଆଇନର ଆଦେଶକୁ ଉଲ୍ଲଙ୍ଘନ କରି ପିଏମ୍ କେୟାର୍ସ ଫଣ୍ଡ ତିଆରି ହୋଇଛି । ଡିଏମ୍ ଆକ୍ଟ ମୁତାବକ, କୌଣସି ବ୍ୟକ୍ତି ବା ସଂସ୍ଥା ଦ୍ଵାରା କରାଯାଇଥିବା ଅନୁଦାନ ରାଶି ଅନିବାର୍ଯ୍ୟ ରୂପରେ ଏନଡିଆରଏଫକୁ ଟ୍ରାନ୍ସଫର କରାଯିବା ଉଚିତ୍ । ସେପଟେ କେନ୍ଦ୍ର ସରକାର ଜୁଲାଇ 8ରେ ଶୀର୍ଷ ଅଦାଲତ ସମକ୍ଷରେ ଏହି ଯୁକ୍ତିକୁ ଖାରଜ କରିଥିଲେ । ସରକାର କହିଥିଲେ ଯେ, ପିଏମ୍ କେୟାର୍ସ ଫଣ୍ଡ ଉଦ୍ଧାର କାର୍ଯ୍ୟ କରିବା ପାଇଁ ସ୍ଥାପିତ ହୋଇଥିବା ଏକ  କୋଷ ଅତୀତରେ ଏଭଳି ବହୁ କୋଷ ନିର୍ମାଣ ହୋଇଛି ମଧ୍ୟ ।