ସତ୍ୟଶିଖା (ଭୁବନେଶ୍ୱର) ୩୦.୦୩.୨୦୨୨: ରାଜ୍ୟରେ ଗ୍ରୀଷ୍ମ ପ୍ରବାହ ଜାରି ରହିଛି । ଟାଣ ଖରାରେ ସିଝୁଛନ୍ତି ରାଜ୍ୟବାସୀ । ରାଜ୍ୟର ୭ଟି ସହରର ତାପମାତ୍ରା ୪୦ ଡିଗ୍ରୀ ଉପରେ ରହିଛି । ଟିିଟିଲାଗଡ ସବୁଠୁ ଉତ୍ତପ୍ତ ସହର ହୋଇଛି ।
ସେଠାରେ ତାପମାତ୍ରା ୪୧.୧ ଡିଗ୍ରୀ ରହିଛି । ସେହିପରି ବଲାଙ୍ଗୀରରେ ୪୧.୪ ଡିଗ୍ରୀ, ସୋନପୁରରେ ୪୧.୩ ଡିଗ୍ରୀ, ବାରିପଦାରେ ୪୧ ଡିଗ୍ରୀ, ଭବାନୀପାଟଣାରେ ୪୦.୨ ଡିଗ୍ରୀ, ସମ୍ବଲପୁରରେ ୪୦.୨ ଡିଗ୍ରୀ ରହିଛି ।
ଆସନ୍ତା ୨ ତାରିଖ ଯାଏଁ ତାତିର ପ୍ରକୋପ ରହିବ । ଉପକୂଳ ସମେତ ଆଭ୍ୟନ୍ତରୀଣ ଜିଲ୍ଲାରେ ହିଟ୍ ୱେଭ୍ ସ୍ଥିତି ଦେଖାଦେବ । ଏନେଇ ବିଭିନ୍ନ ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଆଞ୍ଚଳିକ ପାଣିପାଗ ବିଭାଗ ଜାରି କରିଛି । ମାତ୍ର ଏପ୍ରିଲ ୩ ତାରିଖ ପରଠାରୁ ସାମାନ୍ୟ ତାତିରୁ ତ୍ରାହି ମିଳିପାରେ ।
ଆସନ୍ତା ୨୪ ଘଣ୍ଟାରେ ଗ୍ରୀଷ୍ମ ଦାଉରେ ୫ ଜିଲ୍ଲା ଜଳିବ । ମୟୂରଭଞ୍ଜ, ବରଗଡ, ସୋନପୁର, ବୌଦ୍ଧ ଓ ବଲାଙ୍ଗିର ଜିଲ୍ଲା ରହିଛି । ହିଟ ୱେଭ୍ ପାଇଁ ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ସତର୍କ କରାଇଛି । ସେହିପରି ୩୧ ତାରିଖରୁ ଏପ୍ରିଲ ୨ ତାରିଖ ଯାଏଁ ଅନେକ ସ୍ଥାନରେ ହିଟ ୱେଭ୍ ଦେଖାଦେବ ।
