ସତ୍ୟଶିଖା ( ଭୁବନେଶ୍ୱର )୦୯/୧୦ /୨୦୨୧: ଦକ୍ଷତା ବିକାଶ ଓ ବୈଷୟିକ ଶିକ୍ଷା ମନ୍ତ୍ରୀ ପ୍ରେମାନନ୍ଦ ନାୟକଙ୍କ ସରକାରୀ ବାସଭବନ ଘେରାଉ କଲେ ଡିପ୍ଲୋମା ଛାତ୍ର । ତୁରନ୍ତ ଡିପ୍ଲୋମାର ବ୍ୟାକ ପେପର ପରୀକ୍ଷା ଦାବିରେ ବାସଭବନ ଘେରାଉ କରିଛନ୍ତି ଛାତ୍ରଛାତ୍ରୀ। ତେବେ ଧାରଣାରେ ବସିଥିବା ପିଲାଙ୍କ ସହ ମନ୍ତ୍ରୀଙ୍କ ଆଲୋଚନା କରିଛନ୍ତି ।
ମନ୍ତ୍ରୀ କହିଛନ୍ତି ଯେ, ଆମେ ପଞ୍ଚମ ସେମିଷ୍ଟର କରିବାକୁ ଅନୁମତି ଦେଇ ଦେଇଛୁ । ଛୁଟି ଆରମ୍ଭ ହୋଇଗଲାଣି । ଆମେ ବିଭାଗୀୟ ଆଲୋଚନା କରିବୁ ଯେ ଯେଉଁ ଛାତ୍ରଛାତ୍ରୀ ଅବହେଳିତ ହୋଇଛନ୍ତି, ପ୍ରଥମ ସେମିଷ୍ଟର ପରୀକ୍ଷା ନ ହୋଇ ତୃତୀୟ ସେମିଷ୍ଟରରେ ଭର୍ତ୍ତି ହୋଇଛନ୍ତି, ସେ ଦିଗକୁ କିପରି ବ୍ୟବସ୍ଥିତ କରାଯିବ ସେ ନେଇ ବିଭାଗ ସହ ଆଲୋଚନା କରି ନିଷ୍ପତ୍ତି ହେବ। କୌଣସି ଛାତ୍ରଛାତ୍ରୀ ପ୍ରଭାବିତ ହେବେନି। ମନ୍ତ୍ରୀଙ୍କ ସହ ଆଲୋଚନା ପରେ ଛାତ୍ରଛାତ୍ରୀ ଧାରଣାରୁ ହଟିଛନ୍ତି ।
