ସତ୍ୟଶିଖା (ଭୁବନେଶ୍ୱର) ୦୨/୦୨/୨୦୨୧ : ଓଡ଼ିଶା ଫେସନ୍ଭିଲ୍ଲା ପକ୍ଷରୁ ଆୟୋଜିତ ରାଜ୍ୟସ୍ତରୀୟ ମିସ୍ ଓ ମିସେସ୍ ୟୁନିଭର୍ସ ଇଣ୍ଡିଆ ପାଇଁ ଚୟନ ପ୍ରକ୍ରିୟା ଶେଷ ହୋଇଛି । ଏହି ପ୍ରତିଯୋଗିତାରେ ୩ଟି ବିଭାଗର ଚୟନ ହୋଇଥିଲା । ଟିନ୍, ମିସ୍ ଓ ମିସେସ୍ । ଟିନ୍ ବିଭାଗରେ ରାଉରକେଲାର ପ୍ରତ୍ୟାଶା ସାମଲ ବିଜେତା ହୋଇଥିବା ବେଳେ କୋରାପୁଟର ରିତୁଲ ସିଂହ ପ୍ରଥମ ରନର୍ସଅପ୍ ଓ ବାଲେଶ୍ୱରର ଅର୍ଚ୍ଚିତା ପାତ୍ର ଦ୍ଵିତୀୟ ରନର୍ସଅପ୍ ହୋଇଛନ୍ତି । ସେହିଭଳି ମିସ୍ ବିଭାଗରେ କୋରାପୁଟର କରିସ୍ମା ସୁଲତାନ ବିଜେତା ହୋଇଥିବା ବେଳେ ଭୁବନେଶ୍ୱରର ସୋନାଲି ସାହୁ ପ୍ରଥମ ରନର୍ସଅପ୍ ଓ ସସ୍ମିତା ପଣ୍ଡା ଦ୍ଵିତୀୟ ରନର୍ସ ଅପ୍ ହୋଇଛନ୍ତି । ମିସେସ୍ ବିଭାଗରେ କଟକର ତନ୍ମୟା ରାୟ ବିଜେତା ହୋଇଥିବା ବେଳେ ଭୁବନେଶ୍ୱରର ସଂଘମିତ୍ରା ମହନ୍ତ ଦ୍ଵିତୀୟ ଓ ସୁନାବେଡ଼ାର ରଶ୍ମି ବେହେରା ତୃତୀୟ ସ୍ଥାନରେ ସ୍ଥାନିତ ହୋଇଛନ୍ତି ।
ପ୍ରତିଯୋଗିତା ପୂର୍ବରୁ ସମସ୍ତ ମଡେଲଙ୍କୁ ପର୍ସନାଲିଟି ଓ ଫିଟ୍ନେସ୍ ଗୁରୁ ସୋନାଲି ମିଶ୍ର ଓ ସ୍ଵନାମଧନ୍ୟା ମଡେଲ ଗାୟତ୍ରୀ ମହାପାତ୍ର ପ୍ରଶିକ୍ଷିତ କରିଥିଲେ । ମିସ୍ ଇଣ୍ଡିଆ ଚାର୍ମିଂ ଫେସ୍ ଇପ୍ସିତା ଦାସ, ମିସେସ୍ ଇଣ୍ଡିଆ ୟୁନିଭର୍ସ ୱାର୍ଲ୍ଡ ବିଜେତା ସୋନାଲିରାଜ ମହାନ୍ତି ଓ ମିସ୍ ଓ ମିସେସ୍ ୟୁନିଭର୍ସ ଇଣ୍ଡିଆର ରାଷ୍ଟ୍ରୀୟ ନିର୍ଦ୍ଦେଶକ ଭିହାନ କଶ୍ୟପ ପ୍ରମୁଖ ଏଥିରେ ଉପସ୍ଥିତ ଥିଲେ । ଏଥିରେ ଅଭିଷେକ ପଟ୍ଟନାୟକ, ଆଦିତ୍ୟ ପ୍ରଡକ୍ସନ୍ର ପ୍ରତିଷ୍ଠାତା ଆଦିତ୍ୟ ଓ ହବିକ୍ ବିୟୁଟି ପାର୍ଲରର ପ୍ରବୀଣ ସାହୁ ପ୍ରମୁଖ ଉପସ୍ଥିତ ଥିଲେ ।
