

ସତ୍ୟଶିଖା(ନୂଆଦିଲ୍ଲୀ ) ୧୭.୦୮ .୨୦୨୧: ଆଫଗାନିସ୍ତାନ ସଙ୍କଟ ଏବେ ସମଗ୍ର ବିଶ୍ୱ ପାଇଁ ଚିନ୍ତାର ବିଷୟ ପାଲଟିଥିବା ବେଳେ ସାମନାକୁ ଆସୁଛି ଛାତିଥରା ଦୃଶ୍ୟ । ଜୀବନ ବଞ୍ଚାଇବା ପାଇଁ କିଏ ବିମାନର ଟାୟାରକୁ ଧରୁଛି ତ ବିମାନ ପଛେ ପଛେ ଗୋଡାଉଛନ୍ତି ଲୋକେ । ବିମାନ ବନ୍ଦର ଭିଡ ପୁରା ବିଶ୍ୱକୁ ବ୍ୟଥିତ କରିଛି ।
ଯେଉଁଠି ଦେଖିବାକୁ ମିଳିଛି ଲୋକଙ୍କୁ ଉଦ୍ଧାର ପାଇଁ ଆସିଥିବା ଆମେରିକା ବାୟୁସେନା ବିମାନରେ ଏକାଥରେ ବସିଛନ୍ତି 640 ଜଣ । ଜୀବନ ଆକୁଳରେ ଠେଲା ପେଲା ହୋଇ ବିମାନରେ ପସିଛନ୍ତି । ଆମେରିକାର ବାୟୁସେନା C-17 ଗ୍ଲୋବାମାଷ୍ଟର ତୃତୀୟ ଦ୍ୱାରା ମହିଳା ଏବଂ ଶିଶୁଙ୍କ ସମେତ 600 ରୁ ଅଧିକ ଲୋକ (ନିର୍ଦ୍ଦିଷ୍ଟ ଭାବରେ 640) କାବୁଲରୁ କାତାରକୁ ସୁରକ୍ଷିତ ଭାବରେ ସ୍ଥାନାନ୍ତର ହୋଇଛନ୍ତି ।
ଏ ଚିତ୍ର ବୟାନ କରୁଛି ଆଫଗାନିସ୍ତାନରେ ଲୋକେ କେତେ ଭୟବୀତ ଅଛନ୍ତି । ତାଲିବାନୀଙ୍କ ନିର୍ଯ୍ୟାତନା ଓ ବର୍ବରତା ସହିବା ପୂର୍ବରୁ ଦେଶ ଛାଡ଼ି ପଳାଇବାକୁ ଉଚିତ ମନେ କରୁଛନ୍ତି ଲୋକ ।