ପ୍ରଧାନମନ୍ତ୍ରୀ – ଗତ 6 ବର୍ଷ ମଧ୍ୟରେ ଗରିବଙ୍କ ପାଇଁ ଯେତିକି କାମ ହୋଇଛି ତାହା ପୂର୍ବରୁ କେବେ ହୋଇନାହିଁ l
ସତ୍ୟଶିଖା ୯.୦୯.୨୦୨୦ : ଦେଶରେ ଗରିବଙ୍କ ପାଇଁ ଗତ 6 ବର୍ଷ ମଧ୍ୟରେ ଯେତିକି କାମ ହୋଇଛି ତାହା ପୂର୍ବରୁ କେବେ ହୋଇ ନାହିଁ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି । ମଧ୍ୟପ୍ରଦେଶର ରେହଡିରେ ସ୍ଵନିଧି ସମ୍ବାଦ କରୁଥିବା ସମୟରେ ଭିଡିଓ କନଫରେନ୍ସିଂରେ ପ୍ରଧାନମନ୍ତ୍ରୀ ଏଭଳି କହିଛନ୍ତି । ମୋଦି କହିଛନ୍ତି ଯେ, ତାଙ୍କ ସରକାରଙ୍କ ସର୍ବଦା ପ୍ରଚେଷ୍ଟା ରହିଛି ଯେ ସାଧାରଣ ଲୋକ କିଭଳି ଭାବରେ ଆତ୍ମନିର୍ଭର ହୋଇପାରିବ ।
ମୋଦି ପୁଣି କହିଛନ୍ତି ଯେ, ଆମ ଦେଶରେ ଗରିବଙ୍କ କଥା ସବୁବେଳେ ଉଠୁଛି କିନ୍ତୁ ଗତ 6 ବର୍ଷ ମଧ୍ୟରେ ଗରିବଙ୍କ ପାଇଁ ଯେତିକି କାମ ହୋଇଛି ତାହା ପୂର୍ବରୁ କେବେ ହୋଇ ନାହିଁ । ସେହି ସବୁ କ୍ଷେତ୍ର, ସବୁ ସେକ୍ଟର, ଯେଉଁଠାରେ ଗରିବ, ଶୋଷିତ, ବଞ୍ଚିତମାନେ ଅଭାବରେ ଥିଲେ ସରକାରଙ୍କ ପଚେଷ୍ଟାରେ ସରକାରଙ୍କ ଯୋଜନାରେ ସେମାନେ ଲାଭାର୍ଥୀ ହୋଇପାରିଛନ୍ତି ।
ଏହି ସମୟରେ ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ପାନୀୟ ଜଳ ପାଇଁ ପ୍ଲାଷ୍ଟିକ ବୋତଲ ବଦଳରେ ମାଟି ପାତ୍ର ବ୍ୟବହାର କରନ୍ତୁ । ଏହି ଅଭସରରେ ମୋଦି ଶିବରାଜ ସିଂହ ଚୌହ୍ଵାନଙ୍କୁ ପ୍ରଶଂସା କରିଛନ୍ତି ।
