ସତ୍ୟଶିଖା (ନୂଆଦିଲ୍ଲୀ) ୧୬/୧୨/୨୦୨୦ : ଦୁଇ ସପ୍ତାହ ଭିତରେ ଏଲ୍ପିଜି ସିଲିଣ୍ଡର ଦାମ୍ରେ ଦୁଇ ଥର ବୃଦ୍ଧି ହୋଇଛି । ଗତ ଡିସେମ୍ବରରେ ସିଲିଣ୍ଡର ପିଛା ଦାମ୍ ୫୦ ଟଙ୍କା ବଢ଼ିଥିଲା । ଆଜି ପୁଣି ଥରେ ସେଥିରେ ଆଉ ୫୦ ଟଙ୍କାର ବୃଦ୍ଧି ଘଟିଛି । ୧୪.୨ କେଜି ଓ ୧୯ କେଜି ବିଶିଷ୍ଟ ସିଲିଣ୍ଡରର ଦାମ୍ ବଢ଼ିଛି । ଦୁଇ ଥରରେ ଏଲ୍ପିଜି ୧୦୦ ଟଙ୍କା ମହଙ୍ଗା ହୋଇଛି । ଏଲ୍ପିଜି ଗ୍ରାହକମାନଙ୍କୁ ବୁକିଙ୍ଗ୍ କରିବା ବେଳେ ଅଧିକ ଟଙ୍କା ଗଣିବାକୁ ପଡ଼ିବ । ସବୁ ପ୍ରକାର ଏଲ୍ପିଜି ସିଲିଣ୍ଡର୍ର ଦାମ୍ ବିଢ଼ିଛି ।
୧୪.୨ କେଜି ବିଶିଷ୍ଟ ସିଲିଣ୍ଡର ଦାମ୍ ୫୦ ଟଙ୍କା ବଢ଼ିଥିବା ବେଳେ ୫ କେଜିଆ ସିଲିଣ୍ଡର ଦାମ୍ ୧୮ଟଙ୍କା ଓ ୧୯ କେଜି ବିଶିଷ୍ଟ କମର୍ସିଆଲ୍ ସିଲିଣ୍ଡର ମୂଲ୍ୟରେ ୩୬ ଟଙ୍କା ୫୦ ପଇସାର ବୃଦ୍ଧି ହୋଇଛି । ଇଣ୍ଡିଆନ ଅଏଲ୍ ତଥ୍ୟ ଅନୁସାରେ ଦିଲ୍ଲୀରେ ବିନା ସବ୍ସିଡିରେ ମିଳୁଥିବା ସିଲିଣ୍ଡର ଦାମ୍ ୬୯୪ ଟଙ୍କା, କୋଲକାତାରେ ୬୭୦ ଟଙ୍କା ୫୦ ପଇସା, ମୁମ୍ବାଇରେ ୬୯୪ ଟଙ୍କା ଏବଂ ଚେନ୍ନାଇରେ ୬୬୦ ଟଙ୍କା ରହିଛି । ଏଲ୍ପିଜି ଦାମ୍ ତୈଳ କଂପାନିଗୁଡ଼ିକ ନିର୍ଧାରଣ କରିଥାନ୍ତି । ପ୍ରତି ମାସରେ ଏହି ଦାମ୍ ସଂଶୋଧନ ହେଉଛି । ୧୯ କେଜିଆ କମର୍ସିଆଲ୍ ସିଲିଣ୍ଡର ଦାମ୍ ଏବେ ୧୨୯୬ ଟଙ୍କାରେ ପହଞ୍ଚିଛି ।
