ରାଷ୍ଟ୍ରପତି ଙ୍କ ସୁନା କୁକୁର

ସତ୍ୟଶିଖା (ନୂଆଦିଲ୍ଲୀ) ୧୩/୧୧/୨୦୨୦ :  କୁକୁରର ସୁନା ମୂର୍ତ୍ତି । ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ । ତୁର୍କମେନିସ୍ତାନର ରାଷ୍ଟ୍ରପତି ନିଜ ପୋଷା କୁକୁରର ୫୦ ଫୁଟ୍ ମୂର୍ତ୍ତି ପ୍ରତିଷ୍ଠା କରିଛନ୍ତି । କେବଳ ଭାରତ ନୁହେଁ, ଅନ୍ୟ ଦେଶରେ ମଧ୍ୟ ନେତାଙ୍କର ମୂର୍ତ୍ତି ପ୍ରତି ଦୁର୍ବଳତା ରହିଛି । ତୁର୍କମେନିସ୍ତାନର ଶାସନ ମୁଖ୍ୟ ତଥା ରାଷ୍ଟ୍ରପତି ନିଜ ପୋଷା କୁକୁରର ୫୦ ଫୁଟ୍ ଉଚ୍ଚର ମୂର୍ତ୍ତି ପ୍ରତିଷ୍ଠା କରି ଚର୍ଚ୍ଚାରେ ରହିଛନ୍ତି । କେବଳ ଏତିକି ନୁହେଁ ଏହି ମୂର୍ତ୍ତିକୁ ତୁର୍କମେନିସ୍ତାନର ରାଜଧାନୀ ଅଶଗାବାତରେ ପ୍ରତିଷ୍ଠା କରାଯାଇଛି । ୨୦୦୭ରେ ଶାସନ ଗାଦିରେ ବସିଥିବା ଗୁରବାଙ୍ଗୁଲୀ ବୈର୍ଦୟମୁହମେଦୋ  ଗତ ବୁଧବାର ଅଲଓ୍ୱି ପ୍ରଜାତିର ଏହି କୁକୁରର ବିଶାଳ ମୂର୍ତ୍ତିକୁ ଅନାବରଣ କରିଛନ୍ତି ।ତୁର୍କମେନିସ୍ତାନ ସରକାରଙ୍କ କହିବାନୁସାରେ, ଏହି ମୂର୍ତ୍ତିକୁ କାଂସ୍ୟରେ ପ୍ରସ୍ତୁତ କରାଯାଇଛି । ଏଥିରେ ୨୪ କ୍ୟାରେଟ ସୁନାର ପରସ୍ତ ରହିଛି । କେବଳ ମୂର୍ତ୍ତିର ଉଚ୍ଚତା ହେଉଛି ୨୦ ଫୁଟ୍ । କୁକୁରର ଏହି ମୂର୍ତ୍ତିକୁ ଅଶଗାବତରେ ସ୍ଥାପିତ କରାଯାଇଛି । ସୂଚନାଯୋଗ୍ୟ, ଏହି ଅଞ୍ଚଳରେ ସରକାରୀ ଅଧିକାରୀଙ୍କ ରହିବ ବ୍ୟବସ୍ଥା କରାଯାଇଛି । ଏହି ପ୍ରଜାତିକୁ ସେଠାକାର ଲୋକେ ଖୁବ୍ ପସନ୍ଦ କରନ୍ତି । ଏହି କୁକୁର କେବଳ ତୁର୍କମେନିସ୍ତାନରେ ହିଁ ଜନ୍ମ ହୋଇଥାନ୍ତି । ଏହି ପ୍ରଜାତିର କୁକୁରଙ୍କୁ ରାଷ୍ଟ୍ରୀୟ ପରିଚୟ ସହ ଜଡିତ କରି ଦେଖାଯାଏ ।ତୁର୍କମେନିସ୍ତାନ ସରକାର କୁକୁରଙ୍କ ପାଇଁ ଆର୍ଥିକ ପ୍ୟାକେଜ୍ ଘୋଷଣା କରୁଛନ୍ତି । କିନ୍ତୁ ସେଠାକାର ଲୋକେ ଦୁର୍ଦ୍ଦିନରେ ସମୟ କାଟୁଛନ୍ତି । ତୈଳ ଓ ପାକୃତିକ ଗ୍ୟାସ୍ ପାଇଁ ଦେଶର ଅର୍ଥବ୍ୟବସ୍ଥାର ବିସ୍ତାର ହେଉଥିଲେ ମଧ୍ୟ ଏହାର ଲାଭ କେବଳ ଧନୀକ ଶ୍ରେଣୀର ଲୋକଙ୍କୁ ମିଳିଥାଏ ।