ସତ୍ୟଶିଖା (ରାଉରକେଲା) ୧୪.୧୨.୨୦୨୦ : ରାଉରକେଲା ବିମାନଘାଟିରୁ ଖୁବ୍ ଶ୍ରୀଘ୍ର ଉଡିବ ବିମାନ । ଏ ନେଇ ସିଭିଲ ଆଭିଏସନ୍ ମନ୍ତ୍ରଣାଳୟର ଯୁଗ୍ମ ସମ୍ପାଦିକା ଉଷା ପାଢ଼ୀ ଟ୍ବିଟ୍ ଯୋଗେ ସୂଚନା ଦେଇଛନ୍ତି । ଉଷା ପାଢୀ ରାଉରକେଲା ବିମାନ ଚଳାଚଳ ନେଇ ରାଜ୍ୟ ସରକାର ଏବଂ ଭାରତୀୟ ବିମାନ ପ୍ରାଧିକରଣ ଅଧିକାରୀଙ୍କ ସହ ଆଲୋଚନା କରିବା ପରେ ବିମାନ ଉଡାଣକୁ ନେଇ ଟ୍ବିଟ୍ କରିଛନ୍ତି ।
ନଭେମ୍ବର ମାସ ୨୦ ତାରିଖ ଦିନ ରାଉରକେଲା ଗ୍ରସ୍ତରେ ଆସିଥିଲେ ଏୟାର ଅଥରିଟି ଅଫ୍ ଇଣ୍ଡିଆର ସ୍ବତନ୍ତ୍ର ଟିମ୍ ସହ ଦୁଇଟି ଘରୋଇ ବିମାନ କମ୍ପାନୀର ବରିଷ୍ଠ ଅଧିକାରୀ ରାଉରକେଲା ବିମାନଘାଟି ଆନୁଷଙ୍ଗିକ ବ୍ୟବସ୍ଥା ସହ ବିଭିନ୍ନ ସ୍ଥିତିର ଅନୁଧ୍ୟାନ କରିଥିଲେ ।
ତା ପୂର୍ବରୁ ଗତ ଅକ୍ଟୋବର ୧୫ତାରିଖରେ ରାଜ୍ୟ ସରକାରଙ୍କ ବାଣିଜ୍ୟ ଓ ପରିବହନ ବିଭାଗର ପ୍ରମୁଖ ସଚିବ ମଧୁସୁଧନ ପାଢ଼ୀ ରାଉରକେଲା ଗସ୍ତରେ ଆସି ବିମାନଘାଟି କାର୍ଯ୍ୟକ୍ଷମ ନେଇ ସୂଚନା ଦେଇଥିଲ । ଉଷା ପାଢ଼ୀଙ୍କ ଟ୍ବିଟ୍ ପରେ ରାଉରକେଲା ବିମାନଘାଟିରୁ ବିମାନ ଉଡିବା ଏକ ପ୍ରକାର ସୁନିଶ୍ଚିତ ହୋଇଥିବା ବେଳେ କେବେ ଉଡିବ ତାହାକୁ ଅପେକ୍ଷା କରାଯାଇଛି
