ସତ୍ୟଶିଖା ( ନୂଆଦିଲ୍ଲୀ ) ୨୧.୦୩.୨୦୨୨: ଚୀନରେ ଏବ ବଡ ଧରଣର ବିମାନ ଦୁର୍ଘଟଣା ଘଟିଛି । ବୋଇଙ୍ଗ ୭୩୭ ଇଷ୍ଟର୍ଣ୍ଣ ବୋଇଙ୍ଗ ଏୟାରକ୍ରାଫ୍ଟ ଦୁର୍ଘଟଣା ଗ୍ରସ୍ତ ହୋଇ ଏକ ପାହାଡ ଉପରେ ଖସିପଡିଛି । ଏଥିରେ ୧୩୩ ଜଣ ଯାତ୍ରୀ ଥିଲେ । ତେବେ ଏବେଯାଏ,ଁ କୌଣସି ମୃତାହତର ସୂଚନା ହସ୍ତଗତ ହୋଇନାହିଁ ।
ସୂଚନା ମୁତାବକ, ଏହି ବିମାନ ଆଜି ଜୁନମିଙ୍ଗରୁ ଗୁଆଙ୍ଗଝୋକୁ ଉଡାଣ ଭରିଥିଲା । ହେଲେ ଯିବା ବାଟରେ ବିମାନରେ କୌଣସି ଯାନ୍ତ୍ରିକ ତ୍ରୁଟି ଦେଖଯିବା କାରଣରୁ ବିିମାନଟି ନିୟନ୍ତ୍ରଣ ହରାଇ ଏକ ସୁଉଚ୍ଚ ପାହାଡରେ ପିଟିହୋଇଯାଇଥିଲା । ଚାହୁଁ ଚାହୁଁ ବିମାନରେ ନିଆଁ ଲାଗିଯାଇଥିଲା । ସେଠାରେ ଉଦ୍ଧାର କାର୍ଯ୍ୟ ଜୋରଦାର ଚାଲିଥିବାବେଳେ ଏଯାଏଁ ମୃତକଙ୍କ ନେଇ କୌଣସି ସୂଚନା ମିଳିପାରିନାହିଁ ।
ବିମାନଟି ଗୁଆଙ୍ଗସିର ବାହାର ଇଲାକାରେ ଖସିପଡିଛି । ଏଯାଏଁ ବିମାନ ଦୁର୍ଘଟଣାର ସିଠିକ୍ କାରଣ ଜଣାପଡିନାହିଁ । କାରଣ ଜାଣିବାକୁ ବ୍ଲାକ୍ ବକ୍ସକୁ ଯାଞ୍ଚ କରିବାକୁ କହିଛନ୍ତି ବେସାମରିକ ଉଡାଣ ମୁଖ୍ୟ ।ଅଧିକାରୀଙ୍କ କହିବା ମୁତାବକ, ଦୁର୍ଘଟଣାଗ୍ରସ୍ତ ହୋଇଥିବା ବିମାନ ୬ ବର୍ଷ ପୁରୁଣା । ଏହି ଦୁର୍ଘଟଣା ସ୍ଥାନୀୟ ସମୟ ଦ୍ୱିପହର ୧ ଟା ୧୧ ମିନିଟରେ ଘଟିଛି । ଦୁର୍ଘଟଣା ଘଟିବା ସମୟରେ ବିମାନଟି ୩,୨୨୫ ଫୁଟ ଉପରେ ଉଡୁଥିଲା । ବିମାନ ନିଜର ୩ଟା ୫ ମିନିଟରେ ଗୁଆଙ୍ଗଝୋରେ ଅବତରଣ କରିଥାନ୍ତା ।
