ସତ୍ୟଶିଖା (ନୂଆଦିଲ୍ଲୀ) ୧୫/୦୨/୧୦୨୧ : ଶ୍ରମ ଏବଂ ନିଯୁକ୍ତି ମନ୍ତ୍ରଣାଳୟ ୪ଟି ଶ୍ରମ ସଂହିତା ଅନୁଯାୟୀ ନିୟମ ଚୂଡାନ୍ତ କରିଛି । ଏହା ଶୀଘ୍ର କାର୍ଯ୍ୟକାରୀ କରିବା ପାଇଁ ବିଜ୍ଞପ୍ତି ପ୍ରକାଶ କରି ବାସ୍ତବ ରୂପ ଦେବାକୁ ଏକ ପଥ ପରିସ୍କାର କରିଛି । ଦରମା, ଶିଳ୍ପ ସମ୍ପର୍କ, ସାମାଜିକ ସୁରକ୍ଷା ଏବଂ ବୃତ୍ତିଗତ ସୁରକ୍ଷା ଏବଂ ସ୍ବାସ୍ଥ୍ୟ ଓ କାର୍ଯ୍ୟ କରିବାର ସ୍ଥିତି ଉପରେ ୪ଟି ବିସ୍ତୃତ ସଂହିତା ରାଷ୍ଟ୍ରପତିଙ୍କ ସହମତି ପାଇବା ପରେ ଅଧିସୂଚିତ କରାଯାଇସାରିଛି । କିନ୍ତୁ ଏହି ୪ଟି ସଂହିତା କାର୍ଯ୍ୟକାରୀ କରିବା ପାଇଁ ନିୟମକୁ ଅଧିସୂଚିତ କରାଯିବା ଆବଶ୍ୟକ । ବର୍ତ୍ତମାନ ମନ୍ତ୍ରଣାଳୟ ୪ଟି ସଂହିତା ଡ୍ରାଫ୍ଟ ନିୟମ ଉପରେ ପରାମର୍ଶ ପ୍ରକ୍ରିୟା ଶେଷ କରିଛି । ସୂତ୍ରରୁ ମିଳିଥିବା ସୂଚନା ଅନୁଯାୟୀ ସରକାର ନୂଆ ନିୟମ ଅନୁଯାୟୀ ଓଭରଟାଇମ୍ ସମୟ ସୀମା ବଦଳାଇ ପାରନ୍ତି । ନୂଆ ନିୟମ ଅନୁଯାୟୀ, ଯଦି ନିର୍ଦ୍ଧାରିତ ଘଣ୍ଟା ଅପେକ୍ଷା ୧୫ ମିନିଟ୍ ଅଧିକ କାମ କରାଯାଏ, ତେବେ ଏହାକୁ ଓଭରଟାଇମ୍ ଶ୍ରେଣୀରେ ରଖାଯିବ । ଏଥିପାଇଁ କମ୍ପାନୀକୁ କର୍ମଚାରୀଙ୍କୁ ଏ ନେଇ ପାରିଶ୍ରମିକ ଦେବାକୁ ପଡିବ ।
ପୂର୍ବରୁ ଏହି ସମୟ ସୀମା ଅଧ ଘଣ୍ଟାଏ ଥିଲା । ଶ୍ରମ ମନ୍ତ୍ରଣାଳୟ ଏହି ପ୍ରସଙ୍ଗରେ ସମସ୍ତ ହିତାଧିକାରୀଙ୍କ ସହ ପରାମର୍ଶ କରିଛି । ଏହି ମାମଲା ସହ ଜଡିତ ଅଧିକାରୀଙ୍କ ଅନୁଯାୟୀ ସମସ୍ତ ପ୍ରକ୍ରିୟା ଚଳିତ ମାସ ଶେଷ ସୁଦ୍ଧା ଶେଷ ହେବ ଏବଂ ନିୟମ କାର୍ଯ୍ୟକାରୀ କରିବାର ପ୍ରକ୍ରିୟା ଆରମ୍ଭ ହୋଇପାରେ । ସରକାର ଆଶା କରୁଛନ୍ତି ଯେ, ଏହି ନୂଆ ନିୟମ ସହିତ ବ୍ୟବସାୟିକ କାର୍ଯ୍ୟକଳାପର ଉନ୍ନତି ସହିତ ଶ୍ରମିକଙ୍କ ଅବସ୍ଥା ମଧ୍ୟ ବଦଳିଯିବ ।
ନୂଆ ନିୟମ ଅନୁଯାୟୀ, ଚୁକ୍ତିରେ କାମ କରୁଥିବା କିମ୍ବା ତୃତୀୟ ପକ୍ଷ ଅଧୀନରେ କାମ କରୁଥିବା ଲୋକଙ୍କୁ ଆସ୍ବସ୍ତ କରିବାକୁ ନିଷ୍ପତ୍ତି ନିଆଯାଇଛି । ଏଥିରେ ଏପରି ବ୍ୟବସ୍ଥା କରାଯାଇଛି ଯାହା ଦ୍ବାରା ଚୁକ୍ତିରେ କାମ କରୁଥିବା ଲୋକଙ୍କୁ ଦରମା କକାଟି ଦିଆଯାଇପାରିବ ନାହିଁ । ସରକାର, ଟ୍ରେଡ୍ ୟୁନିଅନ ଏବଂ ଶିଳ୍ପ ସହ ଆଲୋଚନା ପରେ ସହମତ ପ୍ରକାଶ ପାଇଛି ଯେ, କେବଳ ପ୍ରମୁଖ ନିଯୁକ୍ତିଦାତା ଅର୍ଥାତ୍ କମ୍ପାନୀଗୁଡିକ ନିଶ୍ଚିତ କରିବେ ଯେ ସେମାନେ ସମ୍ପୂର୍ଣ୍ଣ ବେତନ ପାଇବେ ।
କର୍ମଚାରୀମାନେ ମଧ୍ୟ ପିଏଫ ଏବଂ ଇଏସଆଇ ଭଳି ସୁବିଧାଗୁଡିକର ପରିଚାଳନା ସୁନିଶ୍ଚିତ କରିବାକୁ ନିୟମ ପ୍ରସ୍ତୁତ କରିବାକୁ ସଙ୍କେତ ଦିଆଯାଇସାରିଛି । ସରକାର ଚାହୁଁଛନ୍ତି ଯେ ନୂଆ ବ୍ୟବସ୍ଥା ମାଧ୍ୟମରେ ଏକ କମ୍ପାନୀ କଣ୍ଟ୍ରାକ୍ଟର କିମ୍ବା ତୃତୀୟ ପକ୍ଷର କର୍ମଚାରୀଙ୍କୁ ପିଏଫ ଏବଂ ଇଏସଆଇ ଭଳି ସୁବିଧା ଦିଆଯାଇପାରିବ ନାହିଁ।
