ସେଲଟର ହୋମରେ ଜଣେ ନାବାଳକକୁ ଯୌନ ନିର୍ଯାତନା ଦିଆଯିବା ଘଟଣାରେ ଓଡ଼ିଶା ସରକାରଙ୍କୁ ଜବାବ ତଲବ କଲା ରାଷ୍ଟ୍ରୀୟ ଶିଶୁ ଅଧିକାର ଆୟୋଗ l
ସତ୍ୟଶିଖା ( ନୂଆଦିଲ୍ଲୀ ) ୨୨ . ୦୮.୨୦୨୦ : ଝାରସଗୁଡ଼ୁା ସ୍ଥିତ ଫେତ୍ ଆଉଟରିଚ’ନାମକ ସଂସ୍ଥାର ପ୍ରତିଷ୍ଠାତାଙ୍କ ଦ୍ୱାରା ଜଣେ ନାବାଳକକୁ ଯୌନ ନିର୍ଯାତନା ଦିଆଯିବା ଘଟଣାରେ ରାଷ୍ଟ୍ରୀୟ ଶିଶୁ ଅଧିକାର ଆୟୋଗ (ଏନସିପିସିଆର) ଓଡ଼ିଶା ସରକାରଙ୍କୁ ଜବାବ ତଲବ କରିଛନ୍ତି । ଗଣମାଧ୍ୟମରେ ପ୍ରକାଶିତ ରିପୋର୍ଟ ଆଧାରରେ ଆୟୋଗ ଅଧ୍ୟକ୍ଷ ପ୍ରିୟଙ୍କ କାନୁନଗୋ ରାଜ୍ୟ ମୁଖ୍ୟ ଶାସନ ସଚିବ ଓ ପୋଲିସ ମହାନିର୍ଦେଶକଙ୍କୁ ଚିଠି ମାଧ୍ୟମରେ ୩୧ ସୁଦ୍ଧା ଏକ ରିପୋର୍ଟ ଦାଖଲ କରିବା ପାଇଁ ବିଭାଗୀୟ ଅଧିକାରୀଙ୍କୁ ନିର୍ଦେଶ ଦେଇଛନ୍ତି । ସେଲଟର ହୋମ ଅନ୍ତେବାସୀଙ୍କ ସହ ଏଭଳି ଅଭିଯୋଗ ପରେ ସ୍ଥାନୀୟ ପୋଲିସ ମକଦ୍ଦମା ରୁଜୁ କରି ତଦନ୍ତ ଚଳାଇଛନ୍ତି । ଏହା ପୂର୍ବରୁ ୨୦୧୮ରେ ଢ଼େଙ୍କାନାଳ ଜିଲ୍ଲାରେ ଥିବା ସେଲ୍ଟର ହୋମରେ ମଧ୍ୟ ସମାନ ଘଟଣା ଲୋକଲୋଚନକୁ ଆସିଥିଲା । ଅବହେଳିତ ଶ୍ରେଣୀର ପିଲାଙ୍କ ସେଲଟର ହୋମ ରହଣି ବେଳେ ଯୌନ ନିର୍ଯାତନା ଭଳି ଘଟଣା ଘଟୁଥିବାରୁ ସେଲଟର ହୋମ ଗୁଡିକ ପ୍ରତି ସ୍ୱତନ୍ତ୍ର ଦୃଷ୍ଟି ଦେବାକୁ ଏନସିପିସିଆର ଅଧ୍ୟକ୍ଷ ପ୍ରିୟଙ୍କ କାନୁନ୍ଗୋ ଓଡ଼ିଶା ସରକାରଙ୍କୁ କହିଛନ୍ତି ।
ଝାରସୁଗୁଡା ନାବାଳକ ଯୌନ ନିର୍ଯାତନା ମମାଲରେ ମୁଖ୍ୟ ଶାସନ ସଚିବ ଓ ଡିଜିଙ୍କୁ ରିପୋର୍ଟ ମାଗିଲେ ଜାତୀୟ ଶିଶୁ ଅଧିକାର ଆୟୋଗ l ଏହି ମାମଲାର ତଦନ୍ତ ସମୟରେ ବିଭିନ୍ନ ଦିଗ ପ୍ରତି ଅନୁଧ୍ୟାନ କରି ରିପୋର୍ଟ ଦେବାକୁ ଆୟୋଗ ସୁପାରିସ କରିଛନ୍ତି । ସେଥି ମଧ୍ୟରେ ଫେତ୍ ଆଉଟରିଚ ଦ୍ୱାରା ପରିଚାଳିତ ପ୍ରତ୍ୟେକ ବିଦ୍ୟାଳୟ ସେଲଟର ହୋମ ଏବଂ ଡେ କେୟାର ସେଣ୍ଟରକୁ ତଦନ୍ତ ପରିସରକୁ ଆଣିବା ସହ ଶିଶୁ ଯତ୍ନ କେନ୍ଦ୍ର ସଂଖ୍ୟା ଏବଂ ଏହା ଜେଜେ ଆଇନ ଅନୁଯାୟୀ ପଞ୍ଜୀକରଣ ହୋଇଛି କି ନାହିଁ ସେ ବିବରଣୀ ଦେବାକୁ କୁହାଯାଇଛି । ତତ୍ ସହିତ ଅନୁଷ୍ଠାନ ପରିଚାଳିତ ସେଲଟର ହୋମରେ ଥିବା ପିଲାଙ୍କ ରହଣି ପାଇଁ ସରକାରଙ୍କ ବ୍ୟବସ୍ଥା, କେଉଁ ବୟସର କେତେ ପିଲା ରହୁଛନ୍ତି ତାର ବିସ୍ତୃତ ବିବରଣୀ ସହ ସିଡ଼ବ୍ଲୟୁ୍ସି ସମ୍ଖମୁରେ ଅନ୍ତେବାସୀଙ୍କ ବୟାନର ବିବରଣୀ ଦେବାକୁ କୁହାଯାଇଛି । ଅଭିଯୁକ୍ତଙ୍କ ବିରୁଦ୍ଧରେ ଗ୍ରହଣ କରାଯାଇଥିବା କାର୍ଯ୍ୟାନୁଷ୍ଠାନ ରିପୋର୍ଟ, ପ୍ରତିଷ୍ଠାତାଙ୍କ ସମେତ ଅନ୍ୟାନ୍ୟ କର୍ମଚାରୀଙ୍କ ଦ୍ୱାରା ଯୌନ ନିର୍ଯାତନାର ଶିକାର ଅନ୍ତେବାସୀଙ୍କ ସଂଖ୍ୟା ଏବଂ ବିସ୍ତୃତ ବିବରଣୀ ପ୍ରଦାନ କରିବାକୁ ଏନସିପିସିଆର ତରଫରୁ ଓଡ଼ିଶା ସରକାରଙ୍କୁ କୁହାଯାଇଛି ।
