ସତ୍ୟଶିଖା ( ଖଣ୍ଡପଡା ) ୦୧ /୧୨ /୨୦୨୧: କଲେଜ ଯାଉଥିବା ବେଳେ ଦୁଇ ଛାତ୍ରୀଙ୍କୁ ଉଠାଇନେଲେ ଦୁର୍ବୃତ୍ତ । ଏକ ଅଜଣା କାରରେ ଛାତ୍ରୀମାନଙ୍କୁ ଉଠାଇ ନେଇଥିବା ଜଣାପଡିଛି । ଏହାର ପ୍ରତିବାଦରେ କଲେଜ ଛାତ୍ରଛାତ୍ରୀ ରାସ୍ତାରୋକ କରିଛନ୍ତି ।
ନୟାଗଡ଼ ଜିଲ୍ଲା ଗଣିଆ ଥାନା ଅନ୍ତର୍ଗତ ଗଣିଆ ରଘୁନାଥ ମହାବିଦ୍ୟାଳୟ ଫାଟକ ସମ୍ମୁଖରେ ଦୁଇ କଲେଜ ଛାତ୍ରୀ ସାଇକେଲ ଯୋଗେ କଲେଜ ଯାଉଥିବା ବେଳେ କିଛି ଅଜଣା ଦୁର୍ବୃତ୍ତ ନମ୍ବର ବିହୀନ କାରରେ ଆସି ଉଠାଇନେଇଥିଲେ । ଅପହୃତ ଦୁଇ କଲେଜ ଛାତ୍ରୀ ହେଲେ ଗଣିଆ କଲେଜର ଯୁକ୍ତ ୩ ଛାତ୍ରୀ ଗାୟତ୍ରୀ ବେହେରା ଓ ସୁଜାତା ମୁଦୁଲି । ଅନ୍ୟପଟେ ଗଣିଆ ପୋଲିସ ଘଟଣାସ୍ଥଳରେ ପହଞ୍ଚି ଛାନଭିନ ଜାରି ରଖିଥିବା ବେଳେ ପ୍ରତିବାଦ କରିଛନ୍ତି ଛାତ୍ରଛାତ୍ରୀ । ଦୁର୍ବୃତ୍ତଙ୍କୁ ଶୀଘ୍ର ଗିରଫ ସହ ଛାତ୍ରୀଙ୍କୁ ଉଦ୍ଧାର ଦାବିରେ ଗଣିଆ ମୁଖ୍ୟ ରାସ୍ତା ଅବରୋଧ କରି ଧାରଣାରେ ବସିଛନ୍ତି ଶତାଧିକ ଛାତ୍ରଛାତ୍ରୀ ।
