ମନୋରଞ୍ଜନସିନେମା

କ୍ଷୁଦ୍ର ଚଳଚ୍ଚିତ୍ର ‘ହିଲିଂ ଟଚ୍‌’ର ଲୋକାର୍ପଣ ଉତ୍ସବ

ସତ୍ୟଶିଖା(ଭୁବନେଶ୍ୱର )୧୮.୦୯ .୨୦୨୧:  ଏକ ମନୋଜ୍ଞ ପରିବେଶ ମଧ୍ୟରେ ଡଃ ଶ୍ୱେତକୁମାର ଦାଶଙ୍କ କ୍ଷୁଦ୍ର ଚଳଚ୍ଚିତ୍ର ‘ହିଲିଂ ଟଚ୍‌୍‌’ ର ଲୋକାର୍ପଣ ଉତ୍ସବ ଅନୁଷ୍ଠିତ ହୋଇଥିଲା । ସୋସିଆଲ ଇମେଜ୍ ପ୍ରଡକ୍ସନ ନିବେଦିତ କ୍ଷୁଦ୍ର ଚଳଚ୍ଚିତ୍ରଟି ‘ହିଲିଂ ଟଚ୍‌’ର ଲୋକାର୍ପଣ ଉତ୍ସବରେ ମୁଖ୍ୟ ଅତିଥିଭାବେ ରାଜ୍ୟସଭା ସାଂସଦ ତଥା ଅଭିନେତା ମୁନା ଖାଁ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଏହି ଲୋକାର୍ପଣ ଉତ୍ସବରେ ଅନ୍ୟତମ ଅତିଥିଭାବେ ଚଳଚ୍ଚିତ୍ରର ମୁଖ୍ୟ ନାୟିକା ଗାର୍ଗୀ ମହାନ୍ତି ଓ ଅଭିନେତା ଗଜେନ୍ଦ୍ର ପାଢୀ ଯୋଗ ଦେଇଥିଲେ । ବରିଷ୍ଠ ଚଳଚ୍ଚିତ୍ର ସମୀକ୍ଷକ ଅଶୋକ ପାଲିତଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଲୋକାର୍ପଣ ଉତ୍ସବରେ ଚଳଚ୍ଚିତ୍ରର ନିର୍ଦ୍ଦେଶକ ତଥା ବରିଷ୍ଠ ପ୍ରଶାସକ ଡ଼ଃ ଶ୍ୱେତକୁମାର ଦାଶ ଯୋଗଦେଇ ଚଳଚ୍ଚିତ୍ର ମାଧ୍ୟମରେ ସାମାଜିକ ସଚେତନତାର ବାର୍ତା ପ୍ରଚାର ଓ ପ୍ରସାର ପାଇଁ ନିଜ ଉଦ୍ୟମ ସଂପର୍କରେ ସୂଚନା ଦେଇଥିଲେ । ଆଜିର ଅନୁଷ୍ଠିତ ଉତ୍ସବରେ ପ୍ରଥମେ ଏହି କ୍ଷୁଦ୍ର ଚଳଚ୍ଚିତ୍ରର ପୋଷ୍ଟର ଉନ୍ମୋଚିତ ହୋଇଥିଲା । ମୁଖ୍ୟ ଅତିଥି ତଥା ଅଭିନେତା ଓ ରାଜ୍ୟସଭା ସାଂସଦ ମୁନା ଖାଁ କ୍ଷୁଦ୍ର ଚଳଚ୍ଚିତ୍ର ମାଧ୍ୟମରେ ସାମାଜିକ ସଚେତନତା ସୃଷ୍ଟି ପାଇଁ ସୋସିଆଲ ଇମେଜ୍ ପ୍ରଡକ୍ସନ ତଥା ଏହାର ପ୍ରତିଷ୍ଠାତା ଡଃ ଶ୍ୱେତକୁମାର ଦାଶଙ୍କ ଭୂୟସୀ ପ୍ରଶା କରିଥିଲେ । କୋଭିଡ୍ ମହାମାରୀ ସମୟରେ ଜୀବ୨ନ ବଂଚାଇବା ପାଇଁ ସଚେତନାର ବାର୍ତା କ୍ଷୁଦ୍ର ଚଳଚ୍ଚିତ୍ର ହିଲିଂ ଟଚ୍ ମାଧ୍ୟମରେ ସୁନ୍ଦରଭାବେ ଉପସ୍ଥାପନା କରାଯାଇଥିବାରୁ ଏହାର ଶ୍ରେୟ ନିର୍ଦ୍ଦେଶକଙ୍କର ବୋଲି ସାଂସଦ ମୁନାଖାଁ କହିଥିଲେ ।
କ୍ଷୁଦ୍ର ଚଳଚ୍ଚିତ୍ର ‘ହିଲିଂ ଟଚ୍‌’ ର ମୁଖ୍ୟ ନାୟିକା ଗାର୍ଗୀ ମହାନ୍ତି କହିଥିଲେ ଯେ ଛୋଟ ହେଲେବି ସ୍ୱଳ୍ପ ସମୟ ମଧ୍ୟରେ ସାମୋଜିକ ସଚେତନତାର ବାର୍ତା ବାଂଟିବାରେ କ୍ଷୁଦ୍ର ଚଳଚ୍ଚିତ୍ରର ପ୍ରମୁଖ ଭୂମିକା ରହିଛି । ଏହି ଚିତ୍ରର ଅନ୍ୟତମ ଅଭିନେତା ଗଜେନ୍ଦ୍ର ପାଢୀ ନିଜ ଅଭିଭାଷଣରେ ଶ୍ୱେତକୁମାର ଦାଶଙ୍କ କ୍ଷୁଦ୍ର ଚଳଚ୍ଚିତ୍ର ମାଧ୍ୟମରେ ସାମାଜିକ ସଚେତନତା ସୃଷ୍ଟି ପାଇଁ ଉଦ୍ୟମ ଅନନ୍ୟ ବୋଲି ମତ ଦେଇଥିଲେ । ନିର୍ଦ୍ଦେଶକ ଡଃ ଶ୍ୱେତକୁମାର ଦାଶ ଜଣେ ପ୍ରଶାସନିକ ଅଧିକାରୀ ଭାବେ କୋଭିଡ୍ ନିୟନ୍ତ୍ରଣ ପାଇଁ ଉଦ୍ୟମ ବେଳେ ଅର୍ଜ୍ଜୁନ କହିଥିବା ଅଭିଜ୍ଞତାକୁ ପାଥେୟ କରି ସେ କିପରି ଗୋଟିଏ ଏ ପରେ ଗୋଟିଏ କ୍ଷୁଦ୍ର ଚଳଚ୍ଚିତ୍ର କୋଭିଡ୍ ମହାମାରୀ ସଂପର୍କରେ ସଚେତନତା ପାଇଁ କରିଚାଲିଛନ୍ତି ବର୍ଣ୍ଣନା କରିଥିଲେ । ‘ ହିଲିଂ ଟଚ୍‌’ ନିଜ ଅଭିଜ୍ଞତାର ଏକ ପ୍ରୟାସ ବୋଲି ସେ ବକ୍ତବ୍ୟରେ କହିଥିଲେ ।

Show More
Back to top button