ସତ୍ୟଶିଖା (ଭୁବନେଶ୍ୱର) ୨୬/୧୧/୨୦୨୦ : ବର୍ଷ ୨୦୨୦ର ଶେଷ ଚନ୍ଦ୍ର ଗ୍ରହଣ ନଭେମ୍ବର ୩୦ ତାରିଖରେ ଅଛି । ଏହି ଚନ୍ଦ୍ର ଗ୍ରହଣ କାର୍ତ୍ତିକ ପୂର୍ଣ୍ଣିମା ଦିନ ପଡୁଛି। ହିନ୍ଦୁ ଧର୍ମରେ କାର୍ତ୍ତିକ ମାସକୁ ଧର୍ମ ମାସ ବୋଲି କୁହାଯାଏ । କାର୍ତ୍ତିକ ମାସର ଅନେକ ମହତ୍ତ୍ୱ ରହିଛି । କାର୍ତ୍ତିକ ପୂର୍ଣ୍ଣିମା ଦିନ ଉପଛାୟା ଗ୍ରହଣ ପଡୁଛି । ଚନ୍ଦ୍ର ଗ୍ରହଣ ସମୟରେ ପୃଥିବୀ, ସୂର୍ଯ୍ୟ ଓ ଚନ୍ଦ୍ର ମଝିକୁ ଆସିଥାଏ । ଯେହେତୁ ଏହା ଉପଛାୟା ଗ୍ରହଣ ଏହାକୁ ଖାଲି ଆଖିରେ ମଧ୍ୟ ଦେଖିହେବ । ଚନ୍ଦ୍ର ଗ୍ରହଣ ପରେ ଡିସେମ୍ବର ୧୪ ତାରିଖରେ ସୂର୍ଯ୍ୟ ପରାଗ ଅଛି । ଏହି ଗ୍ରହଣ ଓ ସୂର୍ଯ୍ୟ ପରାଗ ଭାରତ ଭାରତ ସହ ଅନ୍ୟ ଦେଶମାନଙ୍କରେ ମଧ୍ୟ ଦୃଶ୍ୟମାନ ହେବ । ବର୍ଷର ଏହି ଶେଷ ଗ୍ରହଣ କେଉଁ ସମୟରେ ଏବଂ କେଉଁ କେଉଁ ଦେଶରେ ଦୃଶ୍ୟମାନ ହେବ ଜାଣନ୍ତୁ :
ବର୍ଷର ଏହି ଶେଷ ଚନ୍ଦ୍ର ଗ୍ରହଣ ଉତ୍ତର ଓ ଦକ୍ଷିଣ ଆମେରିକା, ଅଷ୍ଟ୍ରେଲିଆ ଓ ଏସିଆର କିଛି ସ୍ଥାନରେ ଦୃଶ୍ୟମାନ ହେବ । ଏହି ଚନ୍ଦ୍ର ଗ୍ରହଣ ଅବଧି ୪ ଘଣ୍ଟା ୨୧ ମିନିଟ । ଭାରତରେ ଚନ୍ଦ୍ରମାର ଏକ ଭାଗ ହିଁ ଦୃଶ୍ୟମାନ ହେବ । ଚନ୍ଦ୍ର ଗ୍ରହଣ ପାଖାପାଖି ୧.୦୨ ମିନିଟରେ ଆରମ୍ଭ ହେବ ଏବଂ ୫ଟା ୨୩ ମିନିଟରେ ସମାପ୍ତ ହେବ । ଅପରାହ୍ନ ୩ଟା ୧୨ ମିନିଟରେ ଗ୍ରହଣ ଚରମ ସୀମାରେ ରହିବ । ଜ୍ୟୋତିଷଙ୍କ କହିବାନୁଯାୟୀ ଏହା ଉପଛାୟା ଗ୍ରହଣ ହୋଇଥିବାରୁ ସୂତକ କାଳ ମାନ୍ୟ ହେବନାହିଁ । ସେଥିପାଇଁ ଭାରତରେ ଲୋକ ଚିନ୍ତା କରିବା କିଛି ଆବଶ୍ୟକ ନାହିଁ । କାରଣ ଏହି ଚନ୍ଦ୍ର ଗ୍ରହଣ ଦେଖାଯିବନାହିଁ ।
