ଭାରତୀୟ ସେନା ନିଖୋଜ ଚୀନ ସୈନିକଙ୍କୁ ଫେରାଇଲା

ସତ୍ୟଶିଖା (ନୂଆଦିଲ୍ଲୀ) ୨୧/୧୦/୨୦୨୦ : ବାସ୍ତବିକ ନିୟନ୍ତ୍ରଣ ରେଖା (ଏଲଏସି) ପାର କରି ଆସିଥିବା ଚୀନର ଜଣେ ସେନାକୁ ଭାରତ ଫେରାଇ ଦେଇଛି । ଗତକାଲି ରାତିରେ ଚୁସୁଲୁ ମୋଲଦୋ ବୈଠକ ସ୍ଥଳରେ ଚୀନ ସେନାର କର୍ପୋରଲ ୱାଙ୍ଗ ହାଙ୍ଗକୁ ଚୀନ ସେନାଙ୍କୁ ହସ୍ତାନ୍ତର କରାଯାଇଛି ।ପୂର୍ବ ଲଦାଖରେ ସୀମା ବିବାଦକୁ ନେଇ ଉତ୍ତେଜନା ଜାରି ଥିବା ବେଳେ ଭାରତୀୟ ସେନା ଚୀନର ଜଣେ ସୈନିକଙ୍କୁ ଧରିଥିଲା । ଚୀନର ପିପୁଲ୍ସ ଲିବରେସନ ଆର୍ମି ମଧ୍ୟ କହିଥିଲା ଯେ ତାଙ୍କର ଜଣେ ସୈନ୍ୟ ରବିବାର ରାତିରେ ସୀମା ପାଖରେ ନିଖୋଜ ହୋଇଯାଇଛି । ଚୀନ ଭାରତୀୟ ସେନାକୁ ପ୍ରୋଟୋକଲ ହିସାବରେ ସୈନିକଙ୍କୁ ଫେରାଇବା ନେଇ ନିବେଦନ କରିଥିଲା । ଭାରତୀୟ ସେନା ସୋମବାର କହିଥିଲା ପିପୁଲ୍ସ ଲିବରେସନ ଆର୍ମୀର ଜଣେ ସୈନିକଙ୍କୁ ପୂର୍ବ ଲଦାଖର ଡେମଚୋକ ସେକ୍ଟରରେ ସୋମବାର ଦିନ ଧରିଥିଲେ । ତାଙ୍କ ଚିହ୍ନଟ ବା ପରିଚୟ କର୍ନେଲ ଭାବେ ହୋଇଥିଲା ।ପଶ୍ଚିମ ଥିଏଟର କମାଣ୍ଡର ପ୍ରବକ୍ତା କର୍ନଲ ଝାଙ୍ଗ ସୁଝଲି ସୋମବାର ରାତିରେ ନିଖୋଜ ଥିବା ସୈନିକଙ୍କ ବୟାନ ଜାରି କରିଥିଲା ଓ କହିଥିଲା ଆମର ଜଣେ ଚୀନ ସୈନିକ ଅକ୍ଟୋବର ୧୮ ତାରିଖ ରାତିରେ ଥାକ ଖୋଜିବାରେ ସାହାଯ୍ୟ କରିବା ସମୟରେ ନିଖୋଜ ହୋଇଯାଇଛନ୍ତି । ଯଦିଓ ସେ ତାଙ୍କ ସୈନିକଙ୍କ ଚିହ୍ନଟ କରିପାରି ନାହାନ୍ତି । ଘଟଣାର ତୁରନ୍ତ ପରେ ହିଁ ଚୀନ ସୀମା ରକ୍ଷକ ଭାରତୀୟ ପକ୍ଷକୁ ଘଟଣା ବାବଦରେ ସୂଚନା ଦେଇଥିଲା । ଏହା ସହ ଭାରତୀୟ ସେନା ତାଙ୍କୁ ଖୋଜିବାରେ ସାହାଯ୍ୟ କରିବ ବୋଲି ଆଶାୟୀ ଥିବା କହିଥିଲା ।