ଆହୁରି ଶକ୍ତିଶାଳୀ ହେବ ଭାରତୀୟ ବାୟୁସେନା

ସତ୍ୟଶିଖା (ନୂଆଦିଲ୍ଲୀ) ୦୩/୦୨/୨୦୨୧ : ବୁଧବାର ଦିନ ସରକାର ୮୩ ତେଜସ ଲାଇଟ କମ୍ବାଟ ବିମାନ (Tejas LCA) ପ୍ରସ୍ତାବ ଉପରେ ମୋହର ମାରିଛନ୍ତି। ବେଙ୍ଗାଲୁରୁରେ ଆୟୋଜିତ ଏରୋ ଇଣ୍ଡିଆ ୨୦୨୧ (Aero India 2021) କାର୍ଯ୍ୟକ୍ରମରେ ଏହି ଔପଚାରିକ ପ୍ରକ୍ରିୟା ହୋଇଛି । ଏହି ବିମାନ ହିନ୍ଦୁସ୍ଥାନ ଇରୋନେଟିକ୍ସ ଲିମିଟେଡ଼ (Hindustan Aeronautics Ltd) ନିର୍ମାଣ କରିବ । ଖାସ କଥା ହେଲା ଏହାକୁ ସ୍ଵଦେଶୀ ମିଲିଟାରୀ ଏଭିଏସନ ସେକ୍ଟରର ସବୁଠାରୁ ବଡ ଡିଲ ବୋଲି କୁହାଯାଉଛି। ବୁଧବାର ଦିନ ଏରୋ ଇଣ୍ଡିଆ ଶୋ’ ମଧ୍ୟ ଆରମ୍ଭ ହୋଇଛି ।

ରକ୍ଷା ମନ୍ତ୍ରାଳୟର ମହାସଚିବ ବିଏଲ କାନ୍ତାରାଓଙ୍କ ତରଫରୁ ଏଚଏଏଲ ଏମଡି ଆର ମାଧବନଙ୍କୁ କଣ୍ଟ୍ରାକ୍ଟ ଦିଆଯାଇଛି । ବେଙ୍ଗାଲୁରୁରେ ଏରୋ ଇଣ୍ଡିଆ କାର୍ଯ୍ୟକ୍ରମର ଆରମ୍ଭ କେନ୍ଦ୍ରୀୟ ରକ୍ଷା ମନ୍ତ୍ରୀ ରାଜନାଥ ସିଂହ ଓ କର୍ଣ୍ଣାଟକ ମୁଖ୍ୟମନ୍ତ୍ରୀ ବିଏସ ୟେଦୁରପ୍ପାଙ୍କ ଉପସ୍ଥିତିରେ ହୋଇଛି । କାର୍ଯ୍ୟକ୍ରମ ଉଦଘାଟନ ସମାରୋହରେ ୩ଟି Mi-17 ହେଲିକେପ୍ଟର ମାର୍ଚ୍ଚ ପାଷ୍ଟ କରିଥିଲେ ।HAL ତରଫରୁ ନିର୍ମାଣ ହେଉଥିବା ତେଜସ ଏକ ସିଙ୍ଗଲ ଇଞ୍ଜିନ ବିମାନ । ଏହା ମଲ୍ଟି ରୋଲ ସୁପରସୋନିକ ଯୁଦ୍ଧ ବିମାନ । ଏହା ଗମ୍ଭୀର ବାୟୁ ବାତାବରଣରେ କାମ କରିବାକୁ ସକ୍ଷମ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ବସିଥିବା କ୍ୟାବିନେଟ କମିଟି ଅନ ସିକ୍ୟୁରିଟି (C.C.S) ଗତ ମାସରେ ୭୩ ତେଜସ Mk-IA ବିମାନ ଏବଂ 10 L.C.A ତେଜସ Mk-I ଟ୍ରେନର ଏୟାରକ୍ରାଫ୍ଟ ଡିଲକୁ ମଞ୍ଜୁରୀ ଦେଇଥିଲେ । ଏହାଦ୍ୱାରା ଭାରତୀୟ ବାୟୁସେନାର ଶକ୍ତି ଆହୁରି ମଜବୁତ ହେବ ।

ଏହି ଅବସରରେ ରକ୍ଷା ମନ୍ତ୍ରୀ ରାଜନାଥ ସିଂହ କହିଛନ୍ତି ଯେ HAL କୁ ୪୮ ହଜାର କୋଟି ଟଙ୍କାରୁ ଅଧିକ ଦାମୀ ୮୩ ନୂଆ ସ୍ଵଦେଶୀ ଲାଇଟ କମ୍ବାଟ ଏୟାରକ୍ରାଫ୍ଟ  (L.C.A) ନିର୍ମାଣ ପାଇଁ ଅର୍ଡର ମିଳିଛି ସେଥିପାଇଁ ସେ ବହୁତ ଖୁସି । ଏହା ସମ୍ଭବତଃ ସବୁଠାରୁ ବଡ ମେକ ଇନ ଇଣ୍ଡିଆ ଡିଫେନ୍ସ କଣ୍ଟ୍ରାକ୍ଟ ବୋଲି ସେ କହିଛନ୍ତି । ଜେଟର ମାର୍କ A.1 ଭର୍ସନରେ ୪୩ଟି ସୁଧାର ହେବ । ଏଥିରେ ଅନେକ ପରିବର୍ତ୍ତନ ମଧ୍ୟ ସାମିଲ ରହିଛି । ଏହି ସୁଧାର ପରେ ବିମାନରେ ଅନେକ ପରିବର୍ତ୍ତନ ହେବ ଯାହା ବିମାନର ଯତ୍ନ ନେବା ପାଇଁ ସହଜ ହେବ ।ଅନ୍ତରାଷ୍ଟ୍ରୀୟ ନିର୍ମାତା ଜରିଆରେ ୧୧୪ ବିମାନର ଟେଣ୍ଡର ଜାରି କରିବାର ୩ ବର୍ଷ ପରେ ଭାରତୀୟ ବାୟୁସେନା ଦେଶରେ ନିର୍ମାଣ ହୋଇଥିବା ତେଜସ ବିମାନ ବ୍ୟବହାର କରିବାକୁ ଚିନ୍ତା କରୁଛି । ଦେଶକୁ ପ୍ରାପ୍ତ ହେବାକୁ ଥିବା ୧୨୩ ତେଜସ ଯୁଦ୍ଧ ବିମାନ ୩ଟି ଭେରିଏଣ୍ଟରେ ହେବ । ସବୁଥିରେ ଜେନେରାଲ ଇଲେକ୍ଟ୍ରିକ ଇଞ୍ଜିନ ରହିବ ।