ସତ୍ୟଶିଖା( ରେଙ୍ଗାଲିକ୍ୟାମ୍ପ)୨୩.୦୮ . ୨୦୨୨: ଅତାବିରା ବ୍ଲକ କୁଲୁଣ୍ଡା ପଞ୍ଚାୟତ ଅନ୍ତର୍ଗତ ପଲସାପାଲିର ନବୀନ ପ୍ରଧାନଙ୍କ ଏକମାତ୍ର ପୁଅ ତଥା ଜାତୀୟ ପରିସଂଖ୍ୟାନ ଅଧିକାରୀ ଅମୂଲ୍ୟ କୁମାର ପ୍ରଧାନଙ୍କ ସୋମବାର ଦେହାନ୍ତ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ମାତ୍ର ୫୨ ବର୍ଷ ହେଉଥିଲା । ସେ ଦୀର୍ଘ ଦିନ ହେଲା କିଡନୀ ରୋଗରେ ଆକ୍ରାନ୍ତ ଥିଲେ । ତେବେ ତାଙ୍କ ଶାରୀରିକ ଅବସ୍ଥା ଗୁରୁତର ହେବା ପରେ ତାଙ୍କୁ ବୁର୍ଲା ଡ଼ାକ୍ତରଖାନାକୁ ନିଆଯାଇଥିଲା । ଚିକିତ୍ସାଧୀନ ଅବସ୍ଥାରେ ତାଙ୍କର ବିୟୋଗ ଘଟିଛି ।ତାଙ୍କର ଏହି ବିୟୋଗ ପରିବାରର ମେରୁଦଣ୍ଡ ଭାଙ୍ଗି ଦେଇଛି । ଏହି ଦୁଃଖଦ ଘଟଣାରେ ଗ୍ରାମ ତଥା ଆଖପାଖ ଅଞ୍ଚଳରେ ଶୋକର ଛାୟା ଖେଳିଯାଇଛି । ଅମୂଲ୍ୟ ଜଣେ ମେଳାପି ସହିତ ଉଦାର ସ୍ୱଭାବର ବ୍ୟକ୍ତି ଥିଲେ । ଅମୂଲ୍ୟଙ୍କ ଶେଷକୃତ୍ୟ ତାଙ୍କ ଗାଁରେ ସଂପନ୍ନ ହୋଇଯାଇଛି । ଝିଅ ଆର୍ଜୁ ପିତାଙ୍କୁ ମୁଖାଗ୍ନି ଦେଇଛନ୍ତି । ଅମୂଲ୍ୟଙ୍କ ସାଥୀ ହୃଷୀକେଶ ଖମାରୀ ତଥା ଗ୍ରାମବାସୀ ତାଙ୍କର ଶେଷ ଦର୍ଶନ କରିବା ସହିତ ଶୋକ ସନ୍ତପ୍ତ ପରିବାରକୁ ସମବେଦନା ଜଣାଇଥିଲେ ।
