ସତ୍ୟଶିଖା ୨୩ /୧୨/୨୦୨୦ : ବିପୁଳ ପରିମାଣର ଶାଗୁଆନ୍ କାଠ ଜବତ । ଡାଲିଯୋଡ଼ା ରେଞ୍ଜ ସଫା ସେକ୍ସନ ବିଶାନାକାଣ୍ଡି ପିଏଫ୍ ଜଙ୍ଗଳରୁ ବେଆଇନ୍ ଭାବେ ଶାଗୁଆନ କାଠ ଚୋରା ଚାଲାଣ ବେଳେ ଧରିଲା ବନବିଭାଗ । ଖବର ଅନୁଯାୟୀ, ସ୍ଥାନୀୟ ଅଞ୍ଚଳରେ ବେଆଇନ୍ ଭାବେ ଶାଗୁଆନ୍ କାଠ କଟା ହୋଇ ଚୋରା ଚାଲାଣ ହେଉଥିଲା । ଯାହାରା ଖବର ବନବିଭାଗ ନିକଟରେ ପହଞ୍ଚିଥିଲା । ଏହାପରେ ବନବିଭାଗ ପକ୍ଷରୁ ଚୋରାଚାଲଣ ଉପରେ କଡ଼ା ନଜର ରଖାଯାଇଥିଲା । ଜଙ୍ଗଲରୁ ସଦ୍ୟ ଭାବେ କଟା ଯାଇଥିବା କିଛି ଶାଗୁଆନ କାଠକୁ ଲୁଚାଯାଇଥିବା ବନ ବିଭାଗକୁ ବିଶେଷ ସୂତ୍ରରୁ ଖବର ପାଇ ପାଇଥିଲେ । ଏହାପରେ ରେଞ୍ଜର ଅଭିରାମ ଜେନା,ବନପାଳ ଚନ୍ଦ୍ରଶେଖର ଦାସ ଙ୍କ ନେତୃତ୍ୱରେ ଏକ ଟିମ୍ ପହଞ୍ଚି ଶାଗୁଆନ କାଠ ଗୁଡିକୁ ଜବତ କରିଥିଲେ। ଯାହାର ଆନୁମାନିକ ମୁଲ୍ୟ ୧ଲକ୍ଷ ଟଙ୍କା ହେବ ବୋଲି ଜମାପଡିଛନ୍ତି । ଜବତ କାଠ ଏକ ଗାଡି ସାହାଯ୍ୟରେ ଭଗତପୁର ସ୍ଥିତ ବନପାଳ କାର୍ଯ୍ୟାଳୟ ଆଣିଥିବା ବେଳେ ଏହାର ତଦନ୍ତ ଚାଲୁ ରହିଛି ବୋଲି ରେଞ୍ଜର ଶ୍ରୀ ଜେନା ସୂଚନା ଦେଇଛନ୍ତି।
