ରେଭ୍‌ ପାର୍ଟିରେ ଗିରଫ ଓଡ଼ିଆ ଯୁବକଙ୍କ ବାପା କହିଲେ- ‘ମୋ ପୁଅ କିଛି ଅପରାଧ କରିନି’

ସତ୍ୟଶିଖା(  ରାଉରକେଲା )୦୬.୧୦ .୨୦୨୧: ମୁମ୍ବାଇ ଉପକୂଳରେ ଗତ ଶନିବାର ଏକ ଯାତ୍ରୀବାହୀ ଜାହାଜରେ ଚାଲିଥିବା ରେଭ୍ ପାର୍ଟିରେ ଡ୍ରଗ୍ସ ମାମଲାରେ ଏନସିବି ଏଯାବତ ୧୫ ଜଣଙ୍କୁ ବାନ୍ଧିଲାଣି । ସେମାନଙ୍କ ମଧ୍ୟରେ ୨ ଓଡ଼ିଆ ଯୁବକ ବି ଅଛନ୍ତି। ସେମାନେ ହେଲେ ମନୀଷ ରାଜଗରିଆ ଏବଂ ଅଭିନ ସାହୁ।  ଗିରଫ ମନୀଷଙ୍କ ଘର ରାଉରକେଲା ଏବଂ ଅଭିନଙ୍କ ଘର ସୁନ୍ଦରଗଡ଼ର ରଘୁନାଥପାଲୀ ଅଞ୍ଚଳରେ।

ପୁଅର ଗିରଫଦାରୀ ନେଇ ମନୀଶଙ୍କ  ବାପା ପ୍ରତିକ୍ରିୟା ରଖି କହିଛନ୍ତି, ପୁଅ ନିଜ ସାଙ୍ଗମାନଙ୍କ ସହ ମୁମ୍ବାଇ ବୁଲିବାକୁ ଯାଇଥିଲା। ରାଉରକେଲାରୁ ୩୭ ଜଣ ସାଙ୍ଗ ଏକାଠି ଯାଇଥିଲେ।  କ୍ରୁଜ୍ ରେଭ୍ ପାର୍ଟିରେ ପୁଅ ମନୀଷଙ୍କ ପାଖରୁ ମାତ୍ର ୨.୪ ଗ୍ରାମ ଗଂଜେଇ ଜବତ ହୋଇଛି ।  ଗୋଟିଏ ସିଗାରେଟ୍ ଗଞ୍ଜେଇ ସେ ନିଜେ ସେବନ ପାଇଁ ରଖିଥିଲା । ସେ କାହାକୁ ବିକ୍ରି କରିନି କି କାହା ସହ ପୁଅର ଲିଙ୍କ୍ ନାହିଁ । ଏହି ଘଟଣାକୁ ଯେଉଁପରି ହାଇଲାଇଟ୍ କରାଯାଉଛି, ସେଭଳି କୌଣସି ଅପରାଧ ମୋ ପୁଅ କରିନି । ଗିରଫ ଅନ୍ୟ ଓଡ଼ିଆ ଯୁବକ ଅଭିନ ସାହୁ ମନୀଷଙ୍କ ବନ୍ଧୁ ।”

ପୁଅ ସହ ସାକ୍ଷାତ ପାଇଁ ମନୀଷଙ୍କ ପାଇଁ ଗତକାଲି ମୁମ୍ବାଇ ଯାଇଥିବା ବେଳେ ଆଜି ତାଙ୍କର ପୁଅ ସହ ସାକ୍ଷାତ ହେବ ବୋଲି କହିଛନ୍ତି।  ପୁଅ ସହ ଦେଖା ହୋଇନି । ଦେଖା ହେଲେ ପ୍ରକୃତ ଘଟଣା ଜଣାପଡ଼ିବ  ବୋଲି ଗଣମାଧ୍ୟମ ପ୍ରତିନିଧୀଙ୍କୁ କହିଛନ୍ତି।

ସୂଚନାଯୋଗ୍ୟ, ସମୁଦ୍ର ଭିତରେ କ୍ରୁଜ୍‌ରେ ରେଭ୍ ପାର୍ଟି ମାମଲାରେ ପୂର୍ବରୁ ଶାହାରୁଖ୍ ଖାନ୍‌ଙ୍କ ପୁଅ ଆର୍ଯ୍ୟନ ଖାନ୍‌ଙ୍କ ସମେତ ଏନ୍‌ସିବି ୯ଜଣଙ୍କୁ ଗିରଫ କରିଥିଲା।   ଏହାପରେ ପୁଣି ୨ ଏବଂ ଗତକାଲି ଆଉ ୪ ଜଣଙ୍କୁ  ଗିରଫ କରାଯାଇଛି। ସେମାନଙ୍କ ମଧ୍ୟରେ ୨ ଓଡ଼ିଆ ବି ଅଛନ୍ତି।  ସେପଟେ ଡ୍ରଗ୍ସ ପାର୍ଟିରୁ ଗିରଫ ହେବା ପରେ ଆର୍ଯ୍ୟନ ଖାନ୍‌ ଏବେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(ଏନସିବି) ହେପାଜତରେ ଅଛି। ବେଆଇନ୍‌ ଡ୍ରଗସ୍‌ କାରବାରକୁ ନେଇ ଏନସିବି ଆର୍ଯ୍ୟନଙ୍କ ପାଖରୁ ସତ ଉଗାଳୁଛି। ଆର୍ଯ୍ୟନ ଖାନଙ୍କୁ ଅକ୍ଟୋବର ୧୧ପର୍ଯ୍ୟନ୍ତ ହେପାଜତକୁ ନେବାକୁ ଆବେଦନ କରିଥିଲା ଏନସିବି। ହେଲେ କୋର୍ଟ ଅକ୍ଟୋବର ୭ ଯାଏଁ ଅନୁମତି ମିଳିଛି।