ଭୁବନେଶ୍ୱର (ସତ୍ୟଶିଖା): କରୋନା’ ମୁକାବିଲା ଲାଗି ସମଗ୍ର ଦେଶରେ ଲକ୍ଡାଉନ୍ ଚାଲିଥିବା ବେଳେ ସ୍କୁଲ୍, କଲେଜ ସବୁ ବନ୍ଦ ରହିଛି। ପିଲାମାନେ ବାହାରକୁ ନ ଯାଇ ପାରି ଘରେ ରହୁଛନ୍ତି। ସବୁ ବେଳେ ଘରେ ରହି ରହି ପିଲାମାନେ ବିରକ୍ତି ଭାବ ମଧ୍ୟ ପ୍ରକାଶ କରୁଛନ୍ତି। ଏହାକୁ ଦୃଷ୍ଟିରେ ରଖି ଘରେ ରହୁଥିବା ପିଲାମାନଙ୍କୁ ବ୍ୟସ୍ତ ରଖିବା ଲାଗି ରାଜ୍ୟ ସରକାର ଆରମ୍ଭ କରିଛନ୍ତି ଅନ୍ଲାଇନ୍ ପ୍ରତିଯୋଗିତା। ଏ ନେଇ ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ଟୁଇଟ୍ କରାଯାଇଛି। ‘ମୋ ପ୍ରତିଭା’ ନାମକ ଏହି ପ୍ରତିଯୋଗିତାକୁ ୟୁନିସେଫ୍ ସହ ମିଶି ଆରମ୍ଭ କରିଛନ୍ତି ରାଜ୍ୟ ସରକାର। ଏଥିରେ ୫ବର୍ଷରୁ ୧୮ ବର୍ଷ ବୟସର ପିଲା ଭାଗ ନେଇପାରିବେ।
ଆହୁରି ପଢ଼ନ୍ତୁ
ଏଥିରେ ଚିତ୍ରକଳା, ଚିତ୍ରାଙ୍କନ, ପୋଷ୍ଟର ଓ ସ୍ଲୋଗାନ ଲିଖନ ସହ ସର୍ଟ ଷ୍ଟୋରୀ ଏବଂ କବିତା ଲିଖନ ଭଳି ପ୍ରତିଯୋଗିତା ରହିଛି । ଏଥିରେ ଭାଗ ନେଉଥିବା ପିଲାମାନେ ନିଜ ନାମ, ବୟସ, ସ୍କୁଲ ଏବଂ ସମ୍ପୂର୍ଣ୍ଣ ଠିକଣା ଲେଖି ସରକାରଙ୍କ ହ୍ୱାଟ୍ସଅପ୍ ନମ୍ବର ୭୬୫୭୦୩୯୮୯୧ ଏବଂ ଇମେଲ୍ [email protected]କୁ ପଠାଇପାରିବେ।
