ସତ୍ୟଶିଖା (ନୂଆଦିଲ୍ଲୀ)୦୩.୦୩.୨୦୨୧: ବଲିଉଡ ଅଭିନେତ୍ରୀ ଶ୍ରଦ୍ଧା କପୁର ଆଜି ୩୪ବର୍ଷ ବୟସରେ ପଦାର୍ପଣ କରିଛନ୍ତି । ଶ୍ରଦ୍ଧା ଅଭିନୟ ସହିତ ଭଲ ଗୀତ ମଧ୍ୟ ଗାଇଥାନ୍ତି । ଆଜି ଫିଲ୍ମ ଇଣ୍ଡଷ୍ଟ୍ରିରେ ଶ୍ରଦ୍ଧା ତାଙ୍କ ପିତା ଶକ୍ତି କପୁରଙ୍କ ଝିଅ ଭାବରେ ନୁହେଁ ବରଂ ଅଭିନେତ୍ରୀ ଶ୍ରଦ୍ଧା କପୁର ଭାବରେ ଜଣାଯାଆନ୍ତି । ମଜାର କଥାଯେ ଶ୍ରଦ୍ଧାଙ୍କୁ ଫେସବୁକ୍ ମାଧ୍ୟମରେ ଏକ ବଡ଼ ଫିଲ୍ମର ଅଫର ମିଳିଥିଲା । ଏକ ଇଣ୍ଟରଭ୍ୟୁରେ ଶ୍ରଦ୍ଧା କହିଥିଲେ, ଦିନେ ଫିଲ୍ମ ନିର୍ମାତା ଅମ୍ବିକା ହିନ୍ଦୁଜା ଫେସବୁକରେ ତାଙ୍କର ଫଟୋ ଦେଖି ତାଙ୍କ ସହ ଯୋଗାଯୋଗ କରିଥିଲେ । ଏହିପରି ଭାବରେ ଶ୍ରଦ୍ଧାଙ୍କୁ ତାଙ୍କର ପ୍ରଥମ ଫିଲ୍ମ ‘ତିନ୍ ପତି’ (୨୦୧୦)ରେ ମିଲିଥିଲା । ଏହି ଫିଲ୍ମରେ ଅମିତାଭ ବଚ୍ଚନ ମୁଖ୍ୟ ଭୂମିକାରେ ଥିଲେ, କିନ୍ତୁ ଫିଲ୍ମଟି ଫ୍ଲପ୍ କାରଣରୁ ଶ୍ରଦ୍ଧାଙ୍କୁ କୌଣସି ପରିଚୟ ମିଳିପାରି ନଥିଲା । ଏହି ଫିଲ୍ମରେ ଶ୍ରଦ୍ଧାଙ୍କ ଚରିତ୍ରର ନାମ ଅପର୍ଣ୍ଣା ଖାନ୍ନା ଥିଲା । ୨୦୧୦ ରେ ଶ୍ରଦ୍ଧା ବଲିଉଡ୍ ରେ ଡେବ୍ୟୁ କରିଥିଲେ । ଶ୍ରଦ୍ଧା ଯେବେ ୧୬ ବର୍ଷ ବୟସର ହୋଇଥିଲେ ତାଙ୍କୁ ସଲମାନ ଖାନଙ୍କ ସହ ଏକ ଫିଲ୍ମ ଅଫର କରାଯାଇଥିଲା । କିନ୍ତୁ ଶ୍ରଦ୍ଧା ଏହି ଫିଲ୍ମରେ କାମ କରିବାକୁ ମନା କରି ଦେଇଥିଲେ । ପରେ,୨୩ ବର୍ଷ ବୟସରେ ଶ୍ରଦ୍ଧା ଫିଲ୍ମ ‘ତିନ୍ ପତି’ରେ ଅଭିନୟ କରିଥିଲେ । ଶ୍ରଦ୍ଧା କହିଛନ୍ତି ସେ ସବୁବେଳେ ଜଣେ ଭଲ ଆଭିନେତ୍ରୀ ହେବାକୁ ଚାହୁଁଥିଲେ କିନ୍ତୁ ତାଙ୍କର ପାଠ ପଢା ପାଇଁ ସେ ଏଥିରେ ତତ୍ପର ହୋଇନଥିଲେ । ଫିଲ୍ମ ‘ତିନ୍ ପତି’ ପରେ ତାଙ୍କର ପରବର୍ତ୍ତୀ ଫିଲ୍ମ ଥିଲା ‘ଲଭ୍ କା ଦି ଏଣ୍ଡ୍’ ଯେଉଁଥିରେ ଶ୍ରଦ୍ଧା ଜଣେ କଲେଜ୍ ଷ୍ଟୁଡେଣ୍ଟ ଭୂମିକାରେ ଅଭିନୟ କରିଥିଲେ । ଏହି ଫିଲ୍ମ ମଧ୍ୟ ବକ୍ସ ଅଫିସରେ ସଫଳ ହୋଇପାରି ନଥିଲା । ୨୦୧୩ରେ ‘ଆଶିକୀ ୨’ରେ ମୁଖ୍ୟ ଅଭିନେତ୍ରୀ ଭୂମିକାରେ ଅଭିନୟ କରିଥିବା ଶ୍ରଦ୍ଧାଙ୍କୁ ଏକ ବ୍ଲକବଷ୍ଟର ଫିଲ୍ମ ମିଳିଥିଲା । ଏହି ଫିଲ୍ମଟି ଶହେ କୋଟି ଟଙ୍କାରୁ ଅଧିକ ଆୟ କରିଥିଲା । ‘ଆଶିକୀ ୨’ ସଫଳତା ପରେ ଶ୍ରଦ୍ଧା ଆଉ ପଛକୁ ଚାହିଁ ନଥିଲେ । ବର୍ତ୍ତମାନ ଫିଲ୍ମ ଇଣ୍ଡଷ୍ଟ୍ରିରେ ତାଙ୍କ କ୍ୟାରିଅର୍ ୧୦ ବର୍ଷ ହୋଇସାରିଛି ଏବଂ ସେ ବଲିଉଡର ଜଣେ ପ୍ରମୁଖ ହିରୋଇନ୍ ହୋଇପାରିଛନ୍ତି । ଏହା ପରେ ‘ଏକ ଭିଲେନ୍’, ‘ହୈଦର’, ‘ଏବିସିଡି ୨’, ‘ବାଘୀ’, ‘ବାଘୀ ୩’, ‘ହାଫ୍ ଗର୍ଲ ଫ୍ରେଣ୍ଡ ଔର ସ୍ତ୍ରୀ’, ‘ସାହୋ’ ଭଳି ହିଟ୍ ଫିଲ୍ମରେ ଅଭିନୟ କରି ସାରିଛନ୍ତି ।
