ସତ୍ୟଶିଖା (ଭୁବନେଶ୍ୱର) ୨୨.୦୨.୨୦୨୨: ଆଜି ରାଜ୍ୟରେ ପଞ୍ଚାୟତ ନିର୍ବାଚନର ଚତୁର୍ଥ ପର୍ଯ୍ୟାୟ ଭୋଟ୍ ଗ୍ରହଣ କରାଯାଉଛି । ପୂର୍ବ ୩ ପର୍ଯ୍ୟାୟରେ ରାଜ୍ୟର ଅଧିକାଂଶ ବୁଥ୍ରେ ନିର୍ବାଚନୀ ହିଂସା ଦେଖିବାକୁ ମିଳିଥିଲା ଯାହା ପାଇଁ ପାଖାପାଖି ୭୫ଟି ବୁଥ୍ରେ ନିର୍ବାଚନ ସ୍ଥଗିତ ରହିଛି ।
ବର୍ତ୍ତମାନ ଏହି ସବୁ ପଞ୍ଚାୟତରେ ସାନି ମତଦାନ ହେବାକୁ ଯାଉଛି । ଏବଂ ଆଜି ରିପୋଲିଂ ନେଇ ତାରିଖ ଘୋଷଣା କରିଛନ୍ତି ରାଜ୍ୟ ନିର୍ବାଚନ କମିଶନ । ଏସଇସିଙ୍କ ସୂଚନା ଅନୂଯାଇ ପ୍ରଥମ ଓ ଦ୍ୱିତୀୟ ପର୍ଯ୍ୟାୟରେ ଭୋଟ୍ ବିଭ୍ରାଟ ଯୋଗୁଁ ସ୍ଥଗିତ ରଖାଯାଇଥିବା ୪୫ ଟି ବୁଥ୍ରେ ଆସନ୍ତାକାଲି ସାନି ମତଦାନ କରାଯିବ ଏବଂ ତୃତୀୟ ପର୍ଯ୍ୟାୟରେ ବନ୍ଦ ଥିବା ପ୍ରାୟ ୩୦ ଟି ବୁଥ୍ରେ ୨୫ ତାରିଖରେ ପୁଣି ଭୋଟ୍ ଗ୍ର୍ରହଣ କରାଯିବ ।
ତେବେ ଆଜି ଚତୁର୍ଥ ପର୍ଯ୍ୟାୟରେ ଏତେ ମାତ୍ରାରେ ନିର୍ବାଚନୀ ହିଂସା ଦେଖିବାକୁ ମିଳିନଥିବା ବେଳେ ଏପର୍ଯ୍ୟନ୍ତ ଦୁଇଟି ବୁଥ୍ରେ ମତଦାନ ସ୍ଥଗିତ ରହିଥିବା ସୂଚନା ଦେଇଛନ୍ତି ରାଜ୍ୟ ନିର୍ବାଚନ କମିଶନ । ଏବଂ ଏହି ବୁଥ୍ ଗୁଡିକ ପାଇଁ ଆଗାମୀ ଦିନରେ ରିପୋଲିଂ ତାରିଖ ଘୋଷଣା କରାଯିବ ।
