ଡାକ୍ତର ନାଚିଲେ ‘ଘୁଙ୍ଗୁର’ ଗୀତରେ କରୋନା ରୋଗୀଙ୍କ ମନୋରଞ୍ଜନ ପାଇଁ
ସତ୍ୟଶିଖା (ନୂଆଦିଲ୍ଲୀ) ୨୧/୧୦/୨୦୨୦ : ବଲିଉଡ ଅଭିନେତା ହ୍ରିତିକ ରୋଶନ ମଙ୍ଗଳବାର ଆସାମର ଇଏନଟି ସର୍ଜନ ଡାକ୍ତର ଅରୁପ ସେନାପତିଙ୍କ ସାହସଙ୍କୁ ପ୍ରଶଂସା କରିଛନ୍ତି । ସେ କୋଭିଡ ରୋଗୀଙ୍କ ମନୋରଞ୍ଜନ ପାଇଁ ‘ଘୁଙ୍ଗୁର’ ଗୀତରେ ଡାନ୍ସ କରିଛନ୍ତି । ଏବେ ତାଙ୍କ ଡାନ୍ସ ସୋସିଆଲ ମିଡ଼ିଆରେ ବେଶ ଭାଇରାଲ ହେଉଛି । ଏହା ସହ ତାଙ୍କର ଖୁବ୍ ପ୍ରଶଂସା ମଧ୍ୟ କରାଯାଉଛି । ସିଲଚର ଚିକିତ୍ସା ମହାବିଦ୍ୟାଳୟରେ କାର୍ଯ୍ୟରତ ଡାକ୍ତର ସେନାପତି ହ୍ରିତିକଙ୍କ ଫିଲ୍ମ ‘ୱାର’ ଗୀତରେ ଡାନ୍ସ କରିଛନ୍ତି । ତାଙ୍କର ଏଇ ଗୋଟିଏ ମିନିଟର ଭିଡ଼ିଓକୁ ତାଙ୍କ ସହକର୍ମୀ ଡାକ୍ତର ସୟଦ ଫେଜାନ ଅହମଦ ସାମାଜିକ ଗଣମାଧ୍ୟମରେ ସେୟାର କରିଛନ୍ତି ।
ହ୍ରିତିକ ତାଙ୍କ ଟ୍ଵିଟର ଆକାଉଣ୍ଟରେ ସେନାପତିଙ୍କ ଭିଡ଼ିଓ ସେୟାର କରିଛନ୍ତି । ତା’ ସହ ସେନାପତିଙ୍କ ଡାନ୍ସକୁ ପ୍ରଶଂସା କରିଛନ୍ତି । ଏହା ସହ ଅହମଦଙ୍କ ଟ୍ଵିଟର ଉତ୍ତର ଦେଇ କହିଛନ୍ତି, ‘ଡାକ୍ତର ଅରୁପଙ୍କୁ କୁହନ୍ତୁ ସେ ତାଙ୍କ ଷ୍ଟେପକୁ ଶିଖୁଛନ୍ତି । କୌଣସି ଦିନ ଆସାମରେ ତାଙ୍କ ଭଳି ଡାନ୍ସ କରିବେ । ଗଜବର ସାହସ ।’ ଏବେ ସୁଦ୍ଧା ଏ ଭିଡ଼ିଓକୁ ୫,୬୫୦୦୦ ଥର ଦେଖା ଗଲାଣି ଓ ଏହାକୁ ସାତ ହଜାର ତିନିଶହ ଥର ରିଟ୍ଵିଟ୍ କରାଯାଇଛି ।
