ସତ୍ୟଶିଖା( ନୂଆଦିଲ୍ଲୀ )୧୪.୦୬. ୨୦୨୨ : କଂଗ୍ରେସ ନେତା ରାହୁଲ ଗାନ୍ଧୀଙ୍କ ସୋମବାର ଦିନ ମହଙ୍ଗା ପଡ଼ିଛି । ତାଙ୍କର ଦିନ ଆରମ୍ଭ ଇଡି କାର୍ଯ୍ୟାଳୟରୁ ହୋଇଛି । ସେହିପରି ଦିନର କାର୍ଯ୍ୟକ୍ରମ ସେଠାରେ ହିଁ ହୋଇଛି । କଂଗ୍ରେସ ନେତାଙ୍କୁ ପାଖାପାକି ସାଢ଼େ ୮ ଘଣ୍ଟା ପଚରାଉଚରା କରିଥିଲା ଇଡି । ରାହୁଲ ଗାନ୍ଧୀଙ୍କୁ ଇଡି ଆଜି ପୁଣି ପଚରାଉଚରା କରିବ । ଆଜି ପୂର୍ବାହ୍ନ ୧୧ଟାରେ ରାହୁଲ ଗାନ୍ଧୀ ଇଡି କାର୍ଯ୍ୟାଳୟରେ ହାଜର ହେବେ ।
ଗତକାଲି ରାହୁଲ ଗାନ୍ଧୀଙ୍କୁ ୩ ଜଣ ଅଧିକାରୀ ପଚରାଉଚରା କରିଥିଲେ । ରାହୁଲଙ୍କୁ ଇଡି ଯେତିକି ପ୍ରଶ୍ନ ପଚାରିଥିଲା, ସେ ସବୁ ସବୁ ପ୍ରଶ୍ନର ଉତ୍ତର ଠିକରେ ଦେଇପାରି ନଥିଲେ ବୋଲି ଜାତୀୟ ଗଣମାଧ୍ୟମ ରିପୋର୍ଟ କରିଛି । ନ୍ୟାସନାଲ ହେରାଲ୍ଡ ମାମଲାରେ ତାଙ୍କୁ ଇଡି ବିଭିନ୍ନ ପ୍ରକାରର ପ୍ରଶ୍ନ ପଚାରିଥିଲା । ମଧ୍ୟବର୍ତ୍ତି ସମରେ ଏକ ଲଞ୍ଚ ବ୍ରେକ୍ ଦିଆଯାଇଥିଲା । ସେ ସୋନିଆ ଗାନ୍ଧୀଙ୍କୁ ଭେଟିବାକୁ ଯାଇଥିଲେ ।
କଂଗ୍ରେସ ମୁଖ୍ୟାଳୟ ଠାରୁ ଇଡି କାର୍ଯ୍ୟାଳୟ ବେଶୀ ବାଟ ନୁହେଁ । କିନ୍ତୁ ଏହି କମ ଦୂର ରାସ୍ତାରେ ମଧ୍ୟ କଂଗ୍ରେସର କର୍ମୀ ହଙ୍ଗାମା କରିଥିଲେ । ଯେଭଳି ଭାବେ କଂଗ୍ରେସ ନେତା ଏକତ୍ର ହୋଇ ଶ୍ଲୋଗାନ ଦେଇଥିଲେ, ସ୍ପଷ୍ଟ ସଂଦେଶ ଦିଆଯାଇଥିଲା ଯେ, ମୁଣ୍ଡ ନୁଆଁଇବେ ନାହିଁ । କଂଗ୍ରେସ ନିର୍ଦ୍ଧାରିତ କରିଥିଲା ଯେ, ଇଡିର ନୋଟିସ ବିରୋଧରେ ସ୍ୱର ଉଠାଇବା ପାଇଁ ସତ୍ୟାଗ୍ରହ କରାଯିବ । ରାହୁଲ ଗାନ୍ଧୀଙ୍କ ସହିତ ଦଳର ବରିଷ୍ଠ ନେତା ମଧ୍ୟ ଥିଲେ ।
