ସତ୍ୟଶିଖା (ମାଲକାନଗିରି ) ସ୍ମୃତି ରଞ୍ଜନ ନାୟକ ୨୭.୦୭.୨୦୨୦ : ଜିଲ୍ଲାରେ ଗତ ଶୁକ୍ରବାର ଦିନ ପ୍ରଥମ କୋରୋନା ରୋଗୀଙ୍କ ମୃତ୍ୟୁ ଘଟିଥିବା ସୂଚନା ମିଳିଥିଲା । ମୃତ୍ୟୁ ପରେ ଅନ୍ୟ ଜିଲ୍ଲା ଭଳି ମୃତଶରୀର ହତାଦର ନକରି ହିନ୍ଦୁ ଧର୍ମର ସମସ୍ତ ନୀତିରୀତି ଅନୁସାରେ, ସମସ୍ତ ପ୍ରକାର ସୁରକ୍ଷା ନିୟମାବଳି ପାଳନ କରି ଘର ଲୋକଙ୍କ ଉପସ୍ଥିତିରେ ମାଲକାନଗିରି ପ୍ରଶାସନ ଦ୍ୱାରା ଦାହ କାର୍ଯ୍ୟ ସମାପନ କରାଯାଇଥିଲା । ପରେ ଆଜି (ସୋମବାର ) ଦିନ ଏହି ମୃତ୍ୟୁ ଖବରକୁ ସ୍ପଷ୍ଟ କରିଛନ୍ତି ସରକାର l
ସୂଚନା ଥାଉକି ମାଲକାନଗିରି ସଦର ମହକୁମା ସ୍ଥିତ ପୁରୁଣା ପୋଷ୍ଟ ଅଫିସ ସହି ର ମୃତକ ହରିହର ଦଣ୍ଡପାଟି ଗତ ୨୨.୦୭.୨୦୨୦ ବୁଧବାର ଦିନ ମାଲକାନଗିରି କୋଭିଡ ହସ୍ପିଟାଲରେ ଭର୍ତ୍ତି ହୋଇଥିଲେ l ପରେ୨୪.୦୭.୨୦୨୦ ଶୁକ୍ରବାର ଦିନ ଚିକିତ୍ସାଳୟରେ ସେହି ବ୍ୟକ୍ତିଙ୍କ ମୃତ୍ୟୁ ଘଟିଛି । ସେ କୋରୋନା ଆକ୍ରାନ୍ତ ହେବା ସହ ଶ୍ଵାସକ୍ରିୟା ଜନିତ ରୋଗରେ ମଧ୍ୟ ପୀଡିତ ଥିଲେ l ସେହି ଅବସ୍ଥାରେ ତାଙ୍କୁ ଆଇସିୟୁରେ ରଖି ଚିକିତ୍ସା କରାଯାଉଥିଲା । ହେଲେ ପରେ ତାଙ୍କ ଶରୀରର ସମସ୍ତ ଅଙ୍ଗ ପ୍ରତ୍ୟଙ୍ଗ ଅଚଳ ହୋଇଯିବା ପରେ ତାଙ୍କର ମୃତ୍ୟୁ ଘଟିଥିଲା l
ତେବେ ମୃତ୍ୟୁ ପରେ ଏହି ଖବରକୁ କିଛି ଗଣମାଧ୍ୟମ ପ୍ରକାଶ କରିଥିଲେ ହେଁ ସରକାରଙ୍କ ତରଫରୁ ଏହା ନେଇ କିଛି ବି ସ୍ପଷ୍ଟ କରାଯାଇ ନଥିଲା l ତେବେ ପ୍ରଶ୍ନ ଉଠୁଛି ମୃତ୍ୟୁ ପରେ ଖୋଦ ନିଜେ ପ୍ରଶାସନ ସମସ୍ତ ପ୍ରକାର ଦାହ କାର୍ଯ୍ୟ ସମାପନ କରିଥିଲେ ମଧ୍ୟ ଏଭଳି ଏକ ଗୁରୁତ୍ୱ ପୂର୍ଣ୍ଣ ଖବର କୁ କାହଁକି ସରକାର ନିଜର ସରକାରୀ ତାଲିକା ଅନ୍ତର୍ଭୁକ୍ତ କରିବାକୁ ୪ ଦିନ ସମୟ ନେଇଥିଲେ l ପ୍ରଶାସନର ଏଭଳି ପଦକ୍ଷେପ ଲୋକମାନଙ୍କ ସୁରକ୍ଷାକୁ ଦୃଷ୍ଟି ରଖି ହଉ କି ଅନ୍ୟକିଛି କାରଣ ତାହା ଏକ ପ୍ରଶ୍ନବାଚୀ ? ତେବେ ମାଲକାନଗିରି ପ୍ରଶାସନ ପକ୍ଷରୁ ତହସିଲଦାର, ଆଇଆଇସି, ପୌରପରିଷଦର କାର୍ଯ୍ୟ ନିର୍ବାହୀ ଅଧିକାରୀ ପ୍ରମୁଖ ନିଜେ ଉପସ୍ଥିତ ରହି ଅନ୍ତିମ ସଂସ୍କାର କରି ସମାଜ ପାଇଁ ଏକ ବିରଳ ଉଦାହରଣ ସୃଷ୍ଟି କରିଛନ୍ତି ।
