ସତ୍ୟଶିଖା( ନୂଆଦିଲ୍ଲୀ )୧୧ .୦୭ . ୨୦୨୨: ଦକ୍ଷିଣ ଓ ମଧ୍ୟ ଗୁଜରାଟର ଅନେକ ଅଞ୍ଚଳରେ ପ୍ରବଳ ବର୍ଷା ହେବାରୁ କିଛି ନଦୀର ଜଳସ୍ତର ବଢ଼ିଯାଇଛି ଏବଂ ଅନେକଗୁଡ଼ିଏ ତଳିଆ ଅଞ୍ଚଳରେ ଜଳାର୍ଣ୍ଣବ ହୋଇଛି । ଏହି କାରଣରୁ ୧୫୦୦ରୁ ଅଧିକ ଲୋକଙ୍କୁ ସୁରକ୍ଷିତ ଅଞ୍ଚଳକୁ ନିଆଯାଇଛି । ଅଧିକାରୀମାନେ ଏହି ସୂଚନା ଦେଇଛନ୍ତି । ପାଣିପାଗ ବିଭାଗ ଦକ୍ଷିଣ ଗୁଜରାଟର ଡାଙ୍ଗ, ନଭସାରୀ ଓ ବଲସାଡ ଜିଲ୍ଲାରେ ଆଗାମୀ ୫ ଦିନ ଯାଏଁ ପ୍ରବଳ ବର୍ଷା ହେବ ବୋଲି ପୂର୍ବାନୁମାନ କରିଛି ।
ନଦୀଗୁଡ଼ିକ ଫୁଲୁଛି । ବିପଦ ସଂକେତ ଉପରେ ନଦୀରେ ଜଳ ପ୍ରବାହିତ ହେଉଛି । ଏଥି ପାଇଁ ନଭସାରୀ ଜିଲ୍ଲାରେ ସତର୍କ ସୂଚନା ଜାରି କରିଦିଆଯାଇଛି । ଜଣେ ଅଧିକାରୀ କହିଛନ୍ତି ଯେ, ଶନିବାର ରାତି ଓ ରବିବାର ସକାଳୁ ବଲସାଡ ଓ ନବସାରୀ ଜିଲ୍ଲାରେ ପ୍ରବଳ ବର୍ଷା ହୋଇଥିଲା । ସେ କହିଛନ୍ତି ଯେ, ସାନଉଦୟପୁର ଓ ନର୍ମଦା ଜିଲ୍ଲାରେ ପ୍ରବଳ ବର୍ଷା ହୋଇଥିଲା । ନଦୀରେ ଜଳାପୂର୍ଣ୍ଣ ଥିବାରୁ ତଳିଆ ଅଞ୍ଚଳକୁ ପାଣି ପ୍ରବେଶ କରୁଛି ।
ଓରସାଙ୍ଗ ନଦୀର ଜଳସ୍ତର ବଢ଼ିଲା ପରେ ଭଲସାଡର କିଛି ତଳିଆ ଅଞ୍ଚଳରେ ବନ୍ୟା ଦେଖାଯାଇଛି । କାବେରୀ ଓ ଅମ୍ବିକା ନଦୀ ବିପଦ ଉପରେ । ଏଥି ପାଇଁ ନଭସାରୀ ଜିଲ୍ଲାର ଅଧିକାରୀମାନେ ସତର୍କ ଅଛନ୍ତି ।
