ନନ୍ଦନକାନନରେ ବାଘ ଶାବକର ମୃତ୍ୟୁ

:ସତ୍ୟଶିଖା( ଭୁବନେଶ୍ୱର )୧୩.୦୪.୨୦୨୨ : ନନ୍ଦନକାନନରେ ଗତକାଲି ବାଘ ଶାବକର ମୃତ୍ୟୁ ଘଟିଛି।  ଚିକିତ୍ସାଧୀନ ଅବସ୍ଥାରେ ବାଘ ଶାବକ ବିବେକର ମୃତ୍ୟୁ ଘଟିଥିବା ଜଣାଯାଇଛି। ମୃତ ବିବେକର ବୟସ ୧ ବର୍ଷ ହେବ। ମହାବଳ ବାଘ ନନ୍ଦନ ଓ ବାଘୁଣୀ ମେଘା ଔରସରୁ ବିବେକର  ଜନ୍ମ  ହୋଇଥିଲା। ୩ ଦିନ ହେବ ତାର ଗୋଡ଼ରେ ଆଘାତ ଲାଗିଥିବାରୁ ସେ ଛୋଟେଇ ଛୋଟେଇ ଚାଲୁଥିଲା। ଏକ୍ସରେ ପରେ ଫିମର ଫେକଚର ହୋଇଥିବା ଜଣାପଡ଼ିଥିଲା। ପରେ ତାକୁ ନିଶ୍ଚେତକ ଦେଇ ପ୍ରାଣୀ ଉଦ୍ୟାନ ପରିସରରେ ଥିବା ମେଡିକାଲରେ  ଚିକିତ୍ସା କରାଯାଉଥିଲା। ଗତକାଲି ଚିକିତ୍ସାଧୀନ ଅବସ୍ଥାରେ ବାଘ ଛୁଆର ମୃତ୍ୟୁ ଘଟିଛି।