ସତ୍ୟଶିଖା(ଭୁବନେଶ୍ୱର ) ୦୮.୦୧.୨୦୨୨ : ରାଜ୍ୟରେ ବଢ଼ୁଛି କରୋନା ସଂକ୍ରମଣ । ସବୁଠି ଅଧିକ କରୋନା ପଜିଟିଭ୍ ମାମଲା ଖୋର୍ଦ୍ଧା ଜିଲ୍ଲା ଓ ଭୁବନେଶ୍ୱରରେର ଦେଖିବାକୁ ମିଳୁଛି । ସଂକ୍ରମଣକୁ ଦୃଷ୍ଟିରେ ରଖି ବିଏମସି ପକ୍ଷରୁ ପଦକ୍ଷେପ ନିଆଯାଉଛି । ବିଏମସି ପକ୍ଷରୁ ୧୧ଟି ସ୍ଥାନକୁ ମାଇକ୍ରୋ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି । ଭୁବନେଶ୍ୱରର ଦକ୍ଷିଣ-ପୂର୍ବ ଜୋନର ୭ଟି, ଉତ୍ତର ଜୋନର ୪ଟି ଜୋନକୁ ମାଇକ୍ରୋ କଣ୍ଟେନମେଣ୍ଟ ଜୋନ ଘୋଷଣା କରିଛି ବିଏମସି । କଣ୍ଟେନମେଣ୍ଟ ଜୋନ ଗୁଡ଼ିକରୁ କୌଣସି ଲୋକ ବାହାରକୁ ଯାଇପାରିବେ ନାହିଁ । ନିଜ ଘରେ ରହିବା ସହ କରୋନା କଟକଣାର ସମସ୍ତ ନିୟମକୁ ପାଳନ କରିବାକୁ କୁହାଯାଇଛି । ସେମାନଙ୍କୁ ସମସ୍ତ ସୁବିଧା ଯୋଗାଇବାକୁ ପ୍ରଶାସନ ପକ୍ଷରୁ ଚେଷ୍ଟା କରାଯାଉଛି ।
