ସତ୍ୟଶିଖା (ଭୁବନେଶ୍ୱର) ୦୪/୦୨/୨୦୨୧ : ରାଜଧାନୀର ଭରତପୁର-ଚନ୍ଦକା ରାସ୍ତାର ଦାସପୁର ନିକଟରୁ ଜଣେ ମହିଳାଙ୍କ ମୁଣ୍ଡବିହୀନ ମୃତଦେହ ଉଦ୍ଧାର ହୋଇଛି । ମୃତ ମହିଳାଙ୍କ ପରିଚୟ ମିଳିନାହିଁ । ଏହା ଏକ ସୁପରିକଳ୍ପିତ ହତ୍ୟାକାଣ୍ଡ ବୋଲି କୁହାଯାଉଛି । କେହି ମୃତ ମହିଳାଙ୍କୁ ହତ୍ୟା କରି ଫିଙ୍ଗି ଦେଇଥିବାର ସନ୍ଦେହ କରାଯାଉଛି । ଆଜି ସକାଳେ ସ୍ଥାନୀୟ ଲୋକେ ମହିଳାଙ୍କ ମୁଣ୍ଡବିହୀନ ମୃତଦେହ ଦେଖି ପୁଲିସକୁ ଖବର ଦେଇଥିଲେ ।
ଘଟଣା ସ୍ଥଳରୁ ଏକ ଧାରୁଆ ଛୁରି, ମଦ ବୋତଲ ଓ ଗ୍ଲୋବସ୍ ଜବତ ହୋଇଛି । ଖବର ପାଇ ଘଟଣା ସ୍ଥଳରେ ଡିସିପି ଓ ଚନ୍ଦକା ପୁଲିସ ପହଞ୍ଚି ତଦନ୍ତ କରୁଛି । ସାଇଣ୍ଟିଫିକ୍ ଟିମ୍ ଆଖପାଖ ଅଞ୍ଚଳରେ କଟାମୁଣ୍ଡକୁ ଖୋଜୁଛି ।
