ସତ୍ୟଶିଖା(ଭୁବନେଶ୍ୱର ) ୨୭.୦୧.୨୦୨୨ : ରାଜ୍ୟରେ ହ୍ରାସ ପାଉଥିବା କୋରୋନାର ଦୈନିକ ସଂକ୍ରମଣକୁ ନେଇ ମତ ରଖିଲେ ଜନସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର । ରାଜ୍ୟରେ କୋରୋନା ସଂକ୍ରମଣ ପିକ୍ ଛୁଇଁ ସାରିଥିବା ଜଣାପଡ଼ୁଛି, ତେଣୁ ସଂକ୍ରମଣ ତଳମୁହାଁ ରହିଛି । ପ୍ରତିଦିନ 5 ରୁ 6 ହଜାର ପଜିଟିଭ ଚିହ୍ନଟ ହେଉଥିବା ବେଳେ ଟ୍ରାନ୍ସମିଶନ ଅଧିକ ରହିଛି । ବେସ୍ ଲାଇନ୍ ଆସିବା ଦରକାର, ଅନ୍ୟ ଦେଶଗୁଡିକ ଦେଖିଲେ ଚତୁର୍ଥ ଓ ପଞ୍ଚମ ଲହର ଦେଖିବାକୁ ମିଳୁଛି । ତେଣୁ ଏବେ ବି ସତର୍କତା ଅବଲମ୍ବନ ଜରୁରୀ ବୋଲି କହିଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର ।
