ସତ୍ୟଶିଖା(ଭୁବନେଶ୍ୱର) ୧୩.୦୭.୨୦୨୧: କୋଭିଡ-୧୯ ସଂକ୍ରମଣକୁ ଦୃଷ୍ଟିରେ ରଖି ଜୁଲାଇ ୧୫ରୁ ଅଗଷ୍ଟ ପହିଲା ମଧ୍ୟରେ କେତେକ ବିଶେଷ ଟ୍ରେନ୍ ବାତିଲ କରିବାକୁ ପୂର୍ବତଟ ରେଳପଥ ପକ୍ଷରୁ ନିଷ୍ପତ୍ତି ନିଆଯାଇଛି । ସେଗୁଡ଼ିକ ହେଲା, ଭୁବନେଶ୍ୱର-ଭଦ୍ରକ-ଭୁବନେଶ୍ୱର ଟ୍ରେନ (୦୮୪୧୨/ ୦୮୪୧୧), କଟକ-ଭଦ୍ରକ-କଟକ ଟ୍ରେନ (୦୮୪୩୮/୦୮୪୩୭), କଟକ-ପାରାଦୀପ-କଟକ ଟ୍ରେନ (୦୮୪୬୧/୦୮୪୬୨), କଟକ-ଭଦ୍ରକ-କଟକ ଟ୍ରେନ (୦୮୪୫୪/୦୮୪୫୩) । ଜୁଲାଇ ୧୫ରୁ ୧୯ ପର୍ଯ୍ୟନ୍ତ ଭୁବନେଶ୍ୱରଞ୍ଜ ବଲାଙ୍ଗୀର-ଭୁବନେଶ୍ୱରଞ୍ଜ ବିଶେଷ ଟ୍ରେନ (୦୮୪୯୩/୦୮୪୯୪), ଭୁବନେଶ୍ୱରଞ୍ଜ-କେନ୍ଦୁଝରଗଡ଼- ଭୁବନେଶ୍ୱରଞ୍ଜ ବିଶେଷ ଟ୍ରେନ (୦୮୪୫୬/୦୮୪୫୫) ବାତିଲ ରହିବ । ସେହିପରି ଜୁଲାଇ ୧୭ରୁ ଅଗଷ୍ଟ ୧ ପର୍ଯ୍ୟନ୍ତ ସପ୍ତାହର ଶେଷ ତଥା ଶନିବାର ଓ ରବିବାର ଭୁବନେଶ୍ୱର-ପାଲାସା-ଭୁବନେଶ୍ୱର ଟ୍ରେନ୍ (୦୮୪୩୩/୦୮୪୩୪), ଭୁବନେଶ୍ୱର-ବାଙ୍ଗିରିପୋଷି-ଭୁବନେଶ୍ୱର ବିଶେଷ ଟ୍ରେନ(୦୨୮୯୨/୦୨୮୯୧)କୁ ବାତିଲ କରାଯାଇଛି । ପୁରୀ-କଟକ-ପୁରୀ ବିଶେଷ ଟ୍ରେନ (୦୮୪୩୧/ ୦୮୪୩୨) ଜୁଲାଇ ୨୪ରୁ ଅଗଷ୍ଟ ପହିଲା ପର୍ଯ୍ୟନ୍ତ ବାତିଲ ରହିବ । ପୁରୀ-ଅନୁଗୁଳ-ପୁରୀ ସ୍ପେସାଲ୍(୦୮୪୨୮/୦୮୪୨୭) ସପ୍ତାହର ଶେଷ ଦିନ ଅର୍ଥାତ ଜୁଲାଇ ୨୪ ଓ ୨୫ ଏବଂ ଜୁଲାଇ ୩୧ ଓ ଅଗଷ୍ଟ ୧ରେ ଉଭୟ ଦିଗରୁ ବାତିଲ ରହିବ । ଜୁଲାଇ ୨୬ରୁ ୩୦ ପର୍ଯ୍ୟନ୍ତ ଉଭୟ ଦିଗରୁ ଏହି ଟ୍ରେନ୍ ତାଳଚେର ଓ ଅନୁଗୁଳ ମଧ୍ୟରେ ବାତିଲ ହୋଇ ରହିବ । ତାଳଚେର ଓ ପୁରୀ ମଧ୍ୟରେ ଚଳାଚଳ କରିବ । ଭୁବନେଶ୍ୱର-ନୂଆଦିଲ୍ଲୀ-ଭୁବନେଶ୍ୱର ରାଜଧାନୀ ସ୍ପେସାଲ ଜୁଲାଇ ୧୫ରୁ ପ୍ରତିଦିନ ସେବା ପ୍ରଦାନ କରିବ ।
