ସତ୍ୟଶିଖା (କୋଲକତା) ୧୭/୧୦/୨୦୨୦ : କଲିକତାରେ ପାଞ୍ଚ ମହଲାର ଏକ କୋଠାରେ ଭୀଷଣ ଅଗ୍ନିକାଣ୍ଡ ହୋଇଛି । ଗଣେଶ ଚନ୍ଦ୍ର ଏଭିନ୍ୟୁରେ ଶୁକ୍ରବାର ବିଳମ୍ବିତ ରାତ୍ରିରେ ପାଞ୍ଚ ମହଲା କୋଠାରେ ଏହି ଅଘଟଣ ଘଟିଛି । ଏଥିରେ ୧୨ ବର୍ଷର ବାଳକ ସମେତ ଦୁଇ ଜଣ ପ୍ରାଣ ହରାଇଛନ୍ତି । ବିଲିଡିଂରେ ଥିବା ସମସ୍ତ ଲୋକଙ୍କୁ ସୁରକ୍ଷିତ ଭାବେ ବାହାରକୁ ଅଣାଯାଇଛି ଓ ଏବେ ସ୍ଥିତି ନିୟନ୍ତ୍ରଣରେ ଥିବା କହିଛନ୍ତି ଅଗ୍ନିଶମ ସେବା ମନ୍ତ୍ରୀ ସୁଜିତ ବୋଷ ।
ନିଆଁ ଭୟରେ ବାଳକଟି ବିଲଡିଂରୁ ତଳକୁ ଡେଇଁ ପଡ଼ିଥିଲା । ତାକୁ ହସପିଟାଲ ନିଆଁ ଯାଇଥିଲା ମାତ୍ର ତାର ଜୀବନ ରକ୍ଷା ହୋଇପାରିଲା ନାହିଁ । ଏହା ବାଦ୍ ଜଣେ ମହିଳାଙ୍କ ମୃତ ଦେହ ବାଥରୁମରୁ ଉଦ୍ଧାର କରାଯାଇଛି । କୋଠାରେ ରହୁଥିବା ଦୁଇ ଜଣ ଲୋକ ମଧ୍ୟ ଗୁରୁତର ଆହତ ହୋଇଛନ୍ତି । ସେମାନଙ୍କୁ ହସପିଟାଲରେ ଭର୍ତି କରାଯାଇଛି ।
ବିଲଡିଂର ପ୍ରଥମ ମହଲାରେ ନିଆଁ ଲାଗି ପରେ ତାହା ଚାରିଆଡକୁ ବ୍ୟାପିଗଲା । ବିଲଡିଂରେ ଥିବା ସମସ୍ତଙ୍କ ଲୋକଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି ଓ ସ୍ଥିତି ନିୟନ୍ତ୍ରଣରେ ମଧ୍ୟ ରହିଛି । ନିଆଁ ଲିଭାଇବା ତଥା ଲୋକଙ୍କ ଉଦ୍ଧାର ପାଇଁ ୨୫ଟି ଦମକଳ ଗାଡି ଓ ଗୋଟିଏ ହାଇଡ୍ରୋଲିକ ସିଢ଼ି ବ୍ୟବହାର କରାଯାଇଛି ।
