ସତ୍ୟଶିଖା( ଭୁବନେଶ୍ୱର )୨୬.୦୮ . ୨୦୨୨: ହଜିଗଲା ମାନବିକତା। ଦିବା ଆଲୋକରେ ବସ୍ ଭିତରୁ ମୃତଦେହକୁ ପିଙ୍ଗି ଚାଲିଗଲେ ବସ୍ କର୍ମଚାରୀ। ଏଭଳି ଅଭାବନୀୟ ଘଟଣା ରାଜଧାନୀର ଜନଗହଳି ପୂର୍ଣ୍ଣ ପଳାଶୁଣୀ ସପ୍ତସତୀ ମନ୍ଦିର ରାସ୍ତାରେ ଘଟିଛି।
ସୂଚନା ମୁତାବକ, ଗଜପତିରୁ କଟକ ଅଭିମୁଖେ ଯାଉଥିଲା ଏକ ଯାତ୍ରୀବାହୀ ବସ୍। ହଠାତ୍ ପଳାଶୁଣୀ ସପ୍ତସତୀ ମନ୍ଦିର ରାସ୍ତା କଡ଼ରେ ଲାଗିଥିବା ଗାର୍ଡ ଓ୍ବାଲ ପାଖରେ ଜଣେ ବ୍ୟକ୍ତିଙ୍କ ମୃତଦେହକୁ ଫିଙ୍ଗି ଘଟଣାସ୍ଥଳରୁ ଚମ୍ପଟ୍ ମାରିଥିଲା ବସ୍। ମୃତଦେହ ପଡିଥିବା ଦେଖି ସ୍ଥାନୀୟଲୋକ ପିସିଆର୍କୁ ସୂଚନା ଦେଇଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରିବା ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପଟିଲାକୁ ପଠାଯାଇଛି। ମୃତ ବ୍ୟକ୍ତି ଜଣଙ୍କ ଗଜପତିର ନୀଳକଣ୍ଠ ମଲ୍ଲିକ ବୋଲି ପରିଚୟ ମିଳିଛି। ତାଙ୍କୁ ଆଣିଥିବା ଦୁଇ ବ୍ୟକ୍ତି ଅଜୟ ମାଲିକ ଓ ସଞ୍ଜୟ ଶବର ବୋଲି ଜଣାପଡିଛି। ତେବେ ଉକ୍ତ ବସ୍ ଓ ୨ ଜଣଙ୍କୁ ଧରିବା ପାଇଁ ପୋଲିସ ତଦନ୍ତ ଆରମ୍ଭ କରିଛି।
